«Nur Otan» партиясынан Түркістан облыстық мәслихат депутаттығына үміткерлер Н.Аширов пен Г.Тажибаева және аудандық мәслихатқа үміткерлер Ө.Көпеев, С.Тұрғараев, А.Аширбаев, К.Лебаев, М.Тайсалов Сарапхана ауылының тұрғындарымен кездесті.
Партияның арнайы үгіт-насихат құралдарын таратып, сайлауалды бағдарламаны кеңінен таныстырып, талқылады.
Сайлаушылар тарапынан Сарапханаға қатысты ағын су мен ауыз суды реттеу, көше жарығын жақсарту және де басқа мәселелер төңірегінде әңгіме өрбіді.
Үміткерлер бағдарламада Сарапхана ауылына қатысты қарастырылған мәселелерді атап өтті, яғни «Nur Otan» партиясы тарапынан:
— 2021-2025 жылдары Қазығұрт, Жаңабазар, Сарапхана, Тұрбат елді мекендерінен 2 пәтерлік 19 тұрғын үй (2119,7 ш.м.) құрылысын салуға;
— жергілікті «Қазақтелеком» АҚ және ірі байланыс компанияларын тарта отырып, елді мекендерде, әсіресе шалғай аймақтағы тұрғындарды интернет желісімен қамтамасыз етуге (Алтынтөбе, Қақпақ, Шанақ, Сарапхана, Жігерген ауыл округтерін);
— 2022-2024 жылдары 6 шағын елді мекенде (Айнатас, Шанақ бекеті, Ызабұлақ, Жаңаталап, Тұрбат, Сарапхана) локальды су жүйелерін шешуге ықпал етілетіндігі түсіндірілді.
Кездесу соңында, үміткерлер сайлаушыларды келе жатқан жаңа жыл мерекесімен құттықтап, алдағы 10 қаңтарда өтетін сайлауда «Nur Otan» партиясына дауыс беруге шақырды.
«Nur Otan» партиясы Қазығұрт аудандық филиалының баспасөз қызметі.
«Nur Otan» партиясының Түркістан облысы Қазығұрт ауданының Сайлау қорының қаражатынан төленді.
