ТҮРКІСТАН: ОРДАБАСЫДА САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ҚЫЗМЕТІНІҢ КӨШПЕЛІ АЛҚА ОТЫРЫСЫ ӨТТІ
Түркістан облысының санитариялық-эпидемиологиялық бақылау департаментінің басшысы Нұрбек Нышановтың тапсырмасы негізінде департамент басшысының орынбасары Закридин Әлімқұловтың төрағалығымен Ордабасы аудандық санитариялық-эпидемиологиялық бақылау басқармасында көшпелі алқа отырысы өтті.
Жиынға облыстық департамент және Ордабасы аудандық СЭББ қызметкерлері қатысты. Көшпелі алқа отырысында Ордабасы аудандық басқармасының атқарған жұмыстары талқыланып, өзекті мәселелерді шешу жолдары қарастырылды.
Аса қауіпті инфекция және туберкулезді эпидемиологиялық қадағалау, білім беру және тәрбиелеу обьектілерін бақылау, ауруханаішілік инфекцияларды бақылау, коммуналдық обьектілерді бақылау, инфекциялық, паразиттік ауруларды эпидемиологиялық бақылау және ұйымдастыру жұмысы қызметті талдау, құқықтық жұмыстар, өнеркәсіп, радиациялық қауіпті обьектілерді бақылау бөлімдерінің басшылары 6 айда атқарған жұмыстарға талдау жасады.
Депаратмент басшысының орынбасары Закридин Нұрханұлы ағымдағы жұмыстарға қатысты жіберілген кемшіліктер бойынша Ордабасы аудандық СЭББ басшысына ескертулер берді. Сондай-ақ, жиын қорытындысымен өңірдегі санитарлық-эпидемиологиялық, инфекциялық, паразиттік аурулардың алдын алу туралы жұмысты жетілдіруді тапсырды. Сондай-ақ, Санитариялық-эпидемиологиялық бақылау саласындағы қызметкерлерге білімдерін үнемі жетілдіріп отыру, жаңашылдыққа ізденіс, мемлекеттік қызмет әдебін сақтау, сыбайлас жемқорлықты болдырмау, халыққа заң шеңберінде сапалы қызмет ету керектігі айтылды.
Түркістан облысының санитариялық-эпидемиологиялық бақылау департаментінің баспасөз қызметі
ҚР ДСМ СЭБК Түркістан облысының санитариялық-эпидемиологиялық бақылау департаменті басшысы Нышанов Нұрбек Садықбекұлы
