Шымкент қаласының ішкі саясат және жастар істері жөніндегі «Жастар ресурстық орталығы» КММ-ні ұйымдастыруымен «Игі істер» марафоны аясында «Өз еліңді танып біл» тақырыбында ерікті жастар «Ибрахим ата» кесенесіне экскурсияға барып қайтты.
Экскурсияның мақсаты – жастар арасында ұрпақтар сабақтастығы, салт-дәстүрді дәріптеу және еліміздегі белгілі орындар мен тарихи мекендерді кеңінен таныстыру, насихаттау болып табылады.
Тарихи құндылықтармен танысу Шымкент қаласының Сайрам тұрғын алабында орналасқан «Ибрахим ата» кесенесінде өтті.
Экскурсияға «Жастар ресурстық орталығы» КММ-нің қызметкерлері және қаланың ерікті жастары қатысып, Ибрахим атаның халық арасындағы киелілігі және ерекше көріпкелдік қасиеті туралы аңыздары және кесененің сәулет тарихымен жақынырақ танысты.
Кесене Сайрам тұрғын алабының солтүстік-батыс бөлігінің шетінде, Ақсу ауылы жолының жанындағы биік төбеде орналасқан. Ортағасырлық сәулет өнерінің бұл ескерткіші осы аймақтағы бұрыннан сақталып келе жатқан күмбезді кесенелердің бірі болып табылады.
Сондай-ақ, экскурсияға каланың 10 ерікті жасы қатысты.
