«NurOtan» партиясынан Түркістан облысы, Созақ аудандық мәслихаты депутаттығына үміткер Нұржамал Майусова ауданның өсіп-өркендеуіне мол үлес қосқан Шолаққорған ауылының тұрғындары, Еңбек ардагерлері Амангелді Бектаев пен Әбдіқадыр Ибаходжаев қариялардың шаңырағында болып, «NurOtan» партиясының сайлауалды бағдарламасын таныстырды. Өз сөзінде үміткер «NurOtan» партиясы ұсынған ауданды дамытудың 7 басым бағыттарын түсіндіріп берді. Олар : Экономикалық тұрақты аудан, ыңғайлы аудан, әлеуметтік қызметке бағдарланған аудан, жастарға арналған аудан,мәдениеті мен тарихы бай аудан,ашық және есеп беретін жергілікті органдар және қауіпсіз аудан. Кездесу барысында Нұржамал Майусова осы кезге дейін «NurOtan» партиясының қолдауымен ауданда атқарылған жұмыстарға тоқталып, алдағы жоспарларды баяндады. Оның айтуынша, алдағы 5 жылдықта мемлекеттік бағдарламалар және жеке инвесторлар есебінен өңдеу, ауылшаруашылық, шағын және орта бизнес салаларында 5 жобаны жүзеге асыру жоспарлануда. Осы шаралар 2 мыңдай жаңа жұмыс орнын ашуға, жалақыны 229 мыңнан 270 мың теңгеге дейін өсіріп, жұмыссыздық деңгейін 4,9%-дан 4,8%-ға төмендетуге қол жеткізеді.Аудан тұрғындары сапалы ауыз сумен және табиғи газбен қамтылады.Аудан халқының тұрмыс сапасын жақсартуға барлық мүмкіндіктер жасалады. Осылай деген үміткер «NurOtan» партиясы- нақты істердің партисы екендігін атап өтті. Ал елге етене қызмет жасап, бүгінде бейнеттерінің зейнетін көріп отырған ардагерлер барлық саяси ақпараттан хабардар екендерін айтып, «NurOtan» партиясын халықтың сенімін ақтайтын, іргесі мықты, саяси көзқарасы тұрақты партия екендігін айта келе, саяси науқанда елдің үлкен азаматтары ретінде белсенділік танытып «NurOtan» партиясына дауыс беретіндерін жеткізді.
«Nur Otan» партиясының Түркістан облысы Созақ ауданының Сайлау қорының қаражатынан төленді
