Кеше онлайн форматта ШЫҰ мүше мемлекеттері Әділет министрлерінің жиналысы өтті. Бұл туралы еліміздің Әділет министрлігінен мәлім етті.
Әділет министрі Азамат Есқараевтың төрағалығымен өткен шараға Үндістан, Иран, Қырғыстан, Пәкістан, Ресей, Тәжікстан, Өзбекстан және елдерінің Әділет министрлері, ШЫҰ Бас хатшысының орынбасары және бақылаушы мемлекет ретінде Беларусь Әділет министрі Евгений Коваленко қатысты.
Жиын барысында ШЫҰ-ға мүше мемлекеттері Әділет министрлерінің 2023 жылы өткен оныншы кездесудегі келісімдерді іске асыру бойынша Әділет минстрліктері арасындағы өзара ынтымақтастықтың қорытындысын шығарды.
Кездесуге қатысушылар ШЫҰ-да кейінгі жылдарда қол жеткен құқық және әділет саласындағы ынтымақтастықтың маңызын атап өтті.
Осындай тұрақты кездесулер ШЫҰ-ға мүше мемлекеттер әділет органдары арасындағы ведомствоаралық ынтымақтастықты тереңдетуге мүмкіндік береді.
Қазақстан Әділет министрі құқық пен әділет саласын цифрландырудағы ынтымақтастықты тереңдетуге және озық тәжірибемен жүйелі түрде алмасуға мүмкіндік беретін меморандум жасасу туралы бастама көтерді.
Шара қорытындысы бойынша ынтымақтастық туралы мәлімдемеге қол қойылып, ШЫҰ-ға мүше мемлекеттердің Әділет министрлері кеңесінің 2024-2026 жылдарға арналған іс-шаралар жоспары бекітілді.
ШЫҰ-ға мүше мемлекеттер Әділет министрлерінің келесі кеңесі 2025 жылы Ресейде өтеді.Беларусь шілдеде өтетін саммитте ШЫҰ-ның толыққанды мүшесі болады
– Ұйымның шілде айында Астанада өтетін алдағы саммитінде Беларусь ШЫҰ-ның толыққанды мүшесі болады. Бұл туралы Белта ақпарат агенттігі жазды.
Бұл туралы ШЫҰ Бас хатшысы Чжан Мин Ташкентте өткен Шанхай ынтымақтастық ұйымының «Жаңа жағдайдағы ШЫҰ рөлі: жалпыға бірдей қауіпсіздік, тұрақтылық және өркендеу жолындағы күш-жігерді біріктіру» форумында айтты.
Чжан Мин үлкен отбасы мүшелерінің саны артып келе жатқанын атап өтті. «Келесі айда Астанада өтетін саммитте Беларусьтің ШЫҰ-ға қосылуы туралы шешім қабылданады, осылайша мүше мемлекеттердің саны тарихи екі таңбалы серпіліске жетеді», — деді ол.
ШЫҰ Бас хатшысы сондай-ақ «20 жылдан астам даму барысында құрылым мемлекет басшылары кездесулерінің өңірлік тетігінен ең ауқымды, тегіс қамти алатын халықаралық ұйымға айналуы» фактісіне назар аударды. Ұйым аясындағы ынтымақтастықтың перспективалы бағыттары туралы айта отырып, Чжан Мин ШЫҰ саясат, дипломатия, бейбітшілік, даму, қауіпсіздік сияқты «жоғары деңгейдегі» міндеттерге ғана емес, сонымен қатар туризм, спорт, қалдықтарды кәдеге жарату сияқты «халыққа жақын» тақырыптарға да назар аударатынын атап өтті.
«Жоғарыда аталған жетістіктер Шанхай рухының ортақ мүдделерге, ұйымның қауіпсіздік пен тұрақтылықты сақтау, тұрақты дамуды қамтамасыз ету жөніндегі бастапқы мақсатына сәйкес келетінінің сенімді дәлелі және ШЫҰ ынтымақтастығы одан әрі нығая түседі», — деп санайды ол.
5 маусымда Ташкентте Шанхай ынтымақтастық ұйымы форумының 19-шы отырысы өтіп жатыр. Шараны өзбек тарапының төрағалығымен Өзбекстан Республикасы Президенті жанындағы Стратегиялық және өңіраралық зерттеулер институты ұйымдастырып отыр. Оның жұмысына 10 елден 40-тан астам сарапшы, оның ішінде ШЫҰ-ға мүше мемлекеттердің ұлттық ғылыми орталықтарының өкілдік делегациясы, бақылаушы мемлекеттердің мамандары және диалог бойынша серіктестер, сондай-ақ ШЫҰ Хатшылығы мен ШЫҰ Аймақтық лаңкестікке қарсы құрылымы Атқарушы комитетінің басшылығы қатысады.
