Роман Скляр мен Марат Хуснуллин Қазақстан мен Ресейдің құрылыс саласындағы ынтымақтастығын талқылады

Петербург халықаралық экономикалық форумы аясында ҚР Премьер-Министрінің бірінші орынбасары Роман Скляр РФ Үкіметі Төрағасының орынбасары Марат Хуснуллинмен кездесу өткізді.
Кездесуде құрылыс, сондай-ақ мемлекеттік сараптама, құрылыстағы баға белгілеу, тұрғын үй құрылысы мен тұрғын үй-коммуналдық шаруашылықты дамыту салаларындағы ынтымақтастық мәселелері талқыланды.
Тараптар бірлескен инфрақұрылымдық жобаларды одан әрі іске асыруға дайын екендіктерін білдірді.Роман Скляр мен Александр Новак Каспий құбыр консорциумының жұмысын талқылады
Петербург халықаралық экономикалық форумы аясында ҚР Премьер-Министрінің бірінші орынбасары Роман Скляр РФ Үкіметі Төрағасының орынбасары Александр Новакпен кездесті.
Келіссөз барысында екі елдің экономика және отын-энергетика саласындағы ынтымақтастық мәселелері қаралды. Тараптар Каспий құбыр консорциумының (КҚК) тұрақты жұмысын атап өтті.
Көкшетау, Семей және Өскемен қалаларында үш көмір жылу электр станцияларын салу жөніндегі ірі жобаны іске асырудың басталуына байланысты мәселелерге ерекше назар аударылды.«QazaqGaz» бен «Газпром» Қазақстан арқылы табиғи газ транзиті туралы келісім жасасты
«QazaqGaz» ҰК» АҚ басқарма төрағасы Санжар Жаркешов және «Газпром» ЖАҚ басқарма төрағасы Алексей Миллер ресейлік табиғи газды Қазақстан аумағы арқылы Өзбекстан мен Қырғызстанға 2040 жылдың соңына дейін тасымалдауды ұйымдастыру туралы шарттарға қол қойды.
Құжаттарға Петербург халықаралық экономикалық форумы аясында ҚР Премьер-Министрінің бірінші орынбасары Роман Склярдың қатысуымен қол қойылды.
Бұдан бөлек, Роман Скляр мен Алексей Миллер «Орта Азия – Орталық IV» магистральдық газ құбырын Ресей газын Өзбекстанға тасымалдауды ұлғайтуға дайындау жөніндегі іс-шаралар жоспарына қол қойды.
Бұл жобалар Қазақстанның газ тасымалдау жүйесінің транзиттік әлеуетін кеңейтуге және республиканың газ саласы үшін экономикалық пайданы ұлғайтуға мүмкіндік береді. Сондай-ақ өңірлік энергетикалық қауіпсіздікті нығайтуға айтарлықтай үлес қосады.
Петербург халықаралық экономикалық форумы алаңында ҚР Премьер-Министрінің бірінші орынбасары Роман Скляр «Газпром нефть» ЖАҚ басқарма төрағасы Александр Дюковпен кездесті.
Тараптар ынтымақтастықтың қазіргі жағдайы мен келешегін талқылады. А. Дюков Қазақстанның мұнай-газ саласы үшін қызығушылық тудыруы мүмкін компанияның технологиялық жетістіктері туралы айтып берді.
Өз тарапынан Р. Скляр жақсартылған модельдік келісімшарт шеңберінде инвесторлар үшін ҚР-да бар преференциялар туралы хабардар етті.