Шымкентте өткен жылы 150 отбасын шаттыққа бөлеген «Қымқор» бағдарламасы жалғасады. Ол үшін 5 миллиард теңге қаржы бөлініп отыр. Тағы 3 миллиард теңге Отбасы банкткен аударылады. Сөйтіп жыл соңына дейін 400 азаматты осы бағдарлама арқылы баспаналы ету көзделуде.
«Qamqor» жобасы үшінші мегаполистің тұрақты тұрғындарына арналған. Үміткер тұрғылықты мекен-жайы бойынша кемі 3 жыл Шымкент қаласында тіркеуде тұруы шарт және атында 5 жыл көлемінде жылжымайтын мүлкі болмауы керек.
Жеңілдікке ие санат өкілдері үшін өтінім беру жақын күндері басталады. Сала мамандары осы арқылы 400 азаматты тұрғын үймен қамтимыз деп отыр. Бағдарлама 35 жасқа дейінгі жұмыс істейтін жастарға да басымдық береді. Жоба әсіресе үкіметтік емес ұйым мүшелері, акцонерлік қоғам қызметкерлері үшін тиімді.
Несиенің ең жоғары мөлшерлемесі 20 млн теңге. 10 пайыз бастапқы жарна құйған азаматтар 6 пайыздық несие рәсімдеу арқылы қол жеткізеді. Отбасы банк арқылы үлестірілетін пәтер несиесі 25 жылға дейін беріледі.
Жалға берілетін тұрғын үйдің көптеп салынуы құрылыс қарқынын арттырады. Еске салсақ, Мемлекет басшысы Қасым-Жомарт Тоқаев Атырауда өтіп жатқан Ұлттық құрылтайдың үшінші отырысында жаңа тұрғын үй бағдарламасы қажет екенін айтқан еді. «Ұлттық құрылтайда біз мәдени-гуманитарлық саланың және идеологияның жаңа бағдарын айқындаймыз. Осының бәрі ұлттық бірегейлігімізді нығайту және елімізді қарқынды дамыту үшін өте маңызды. Дегенмен, өзгерістердің басты мақсаты – халықтың тұрмыс сапасын жақсарту. Сондай-ақ әр азаматтың жан-жақты дамуына жағдай жасау. Осыған орай экономиканы дамытатын жаңа мүмкіндіктерді үнемі іздеп отыру керек. Бізге әжептәуір мультипликативтік нәтиже беретін жобалар қажет», — деді Президент.«Наурыз» ипотекасының басқа тұрғын үй бағдарламаларынан басты айырмашылығы – салымшының депозит (Отбасы банкіндегі депозит) мерзіміне қарамайды, яғни бүгін депозит ашып, ертең бағдарламаға қатысуға болады. Бірақ депозитте кем дегенде 1 млн теңге болуы тиіс. Тағы бір талап қатысушы мен оның отбасы мүшелерінің атында соңғы 5 жыл ішінде жылжымайтын мүлік (тұрғын үй, жер телімі тағы сол сияқты) болмауы қажет.
Несие мерзімі – 19 жыл (20%). Тағы бір айта кететін жайт, тұрғын үй кезегінде тұрған азаматтарға несие 7%, ал кезекте тұрмағандарға 9% беріледі. Тұрғын үй бағдарламасына 18-62 жас аралығындағы Қазақстан азаматы қатыса алады. Сондай-ақ, қатысушы «Отбасы банкінде» депозиті бар салымшы болуы және табыс көзін растауы міндетті.
Өтініш 2024 жылғы 1 мамырдан бастап otbasybank.kz (баспана маркет платформасы) сайты арқылы онлайн форматта қабылданады. Өтініштерді қарау барысында депозиттің ашылу мерзімі, ондағы сома мен сыйақы көлемі және қатысушының отбасылық жағдайы ескеріледі.
«Отбасы банкі» өкілдерінің айтуынша, «Наурыз» тұрғын үй ипотекасына 300 млрд теңге бөлінеді және тұрғын бағдарламасы 7-8 жылға жалғасады. Айта кетсек, Астана, Алматы, Шымкент қаласы және облыс орталықтарында тек алғашқы нарықтағы тұрғын үйлер ұсынылады.
