Алматы қалалық төтенше жағдайлар департаментінің басшысы Нұрлан Атығаевтың сөзінше, қазіргі таңда арнайы штаб құрылған.
«Алматы қалалық төтенше жағдайлар департаментінде арнайы штаб құрылды. Дәл қазіргі уақытта жер дүмпуінің қайталану қаупі әлі де сақталады. Афтершок. Бүкіл қала тұрғындары мен қонақтарын сабыр сақтап, жақын орналасқан халықтан қабылдау пунктіне баруларыңызды сұраймыз», — деді Нұрлан Атығаев.
Алматыдағы жер сілкінісі кезінде дәрігерлер науқасқа ота жасауды жалғастыра берген
Видео ұлттық кардиология институтында түсірілген. Автордың сөзінше, ғимараттағы өзге адамдар далаға шығып кеткен.
«Ал біз шыққымыз келсек те шыға алмаймыз», — дейді автор.
Алматыда 384 жиналу пункті іске қосылды
Жиналу пунктері 229 мектеп пен 115 балабақшада, 15 жоғары оқу орнында, 20 коллед пен 5 стадионда орналасқан. Онда қазірдің өзінде аудан әкімдіктерінің қызметкерлері жұмыс істеп жатыр.
Нүктелер туралы барлық деректер 2GIS Almaty платформасында, қалалық Төтенше жағдайлар департаменті мен аудан әкімдіктерінің сайттарында орналастырылған.
