Бүгін Түркістан қаласындағы Халықаралық туризм және меймандостық университетінде фотограф Нахып Шынтеміровтың жеке фотокөрмесі өтті. Басты мақсат — «Түркістан қаласы — түркі әлемінің 2024 жылғы туризм астанасы» атануы аясында Түркістан туризмін фото арқылы насихаттау.
Нахып Шынтеміров – Республикалық «Фотоөнер» қоғамдық бірлестігінің мүшесі, Қожа Ахмет Ясауи атындағы Халықаралық қазақ-түрік университетінің фототарихын жасаушы, өңірге белгілі фотограф. Аталған көрмеде фотографтың бүгінгі түрленген Түркістанның әсем жерлері мен облыстың табиғаты келіскен өңірлері бейнеленген туындылары қойылды.
Жиында журналист, композитор, профессор Бекжігіт Сердәлі мен медиа сарапшы, ғалым Молдияр Ергебеков көрменің мән-маңызына тоқталды. Халықаралық туризм және меймандостық университетінің басшылығы көрме иесі мен қонақтарға сый-сыяпат жасады.
Түркістан облысының Өңірлік коммуникациялар қызметі
