Құтыру — бұл аса қауіпті жіті вирустық жұқпалы ауру. Құтыру сирек кездесетін ауру болғанымен адам үшін абсолютті летальды инфекция. Дүние жүзінде құтурудан жыл сайын 50 мың адам өлімге ұшырайды және 1 млн. жануар өледі. Вирусты тасымалдаушыларға жыртқыш аңдар: қасқыр, түлкі, қарсақ, шибөрі және үй жануарлары жатады. Үй жануарлары инфекцияны ауырған жабайы аңдармен жанасу кезінде жұқтырады.
Өңірдің эпидемиологтары тұрғындарды аса қауіпті аурудан сақ болуға шақырады. Құтыру ауруының вирусы ауру жануарлардан тістеу, тырнау кезінде сілекей арқылы адамның тері қабатына енеді. Сосын жүйке талшықтары мен жұлын миына жеткен вирус өміріне қауіп төндіреді.
Құтыру ауруына шалдыққан адамның дене қызуы көтеріліп, тыныс алу мен жұтынуы қиындайды, науқас суды көргенде немесе оны ойлаған кезде (гидрофобия) жұтқыншақ пен көмекейдің спазмаларымен,ауаның қозғалысынан (аэрофобия), жарық шамның әсеріне (фотофобия), қатты дауыс, шуылдың әсеріне (акустикафобия) ұстамалары пайда болады.
Адамдардың өмірі мен денсаулығына қауіп төндірмес үшін, қолдағы жануарларды уақтылы мал дәрігерлеріне көрсетіп, ауруға қарсы вакцина салдырған абзал. Мінезінде өзгерістер байқалған жануарларды адамдардан аулақ ұстау керек.
Б.Елемесов
ТО СЭБД басшысының орынбасары
