Желіде тараған полицияның қатысы бар видеодан кейін қызметтік тергеу жүргізілетін болды

Желіде полиция қызметкері мен азаматтық киім киген ер адамның дәретханада тұрғаны бейнеленген видео таралуда. Ал азаматтың қолынан пакетке ұқсайтын затты байқауға болады.
Мұны видеоға түсірген адам полицейдің әжетханадан шығуын талап етеді. Бейнежазба астындағы пікірлерде қолданушылар есірткіге сынама осылай жүргізілетінін айтқан.
Алматы облысының полиция департаменті өз кезегінде бұл факті бойынша қызметтік тергеу тағайындалғанын мәлімдеді.
“Оның нәтижелері бойынша лауазымды тұлғаның іс-әрекетінің тәртіптік сипатына түбегейлі баға беріледі. Басқа ақпарат қосымша хабарланады”, – делінген полиция департаментінің ұсынған ақпаратында.