Адам папилломавирусы (HPV) — белігілі 200 дей вирустар тобының атауы. Көптеген адамдарда білінбегенмен, кейбір жоғары қауіпті вирусотиптермен инфекция өте жиі кездеседі және аногенитальды сүйелдерге немесе қатерлі ісікке әкелуі мүмкін.
90% — адамдардың ағзасы бұл инфекциямен өздігінен күреседі. HPV инфекциясы әлемдегі барлық онкологиялық аурулардың шамамен 5% тиесілі, болжамды мәліметтерге сәйкес, HPV қатерлі ісігі жыл сайын әлемде 625 600 әйел мен 69 400 ер адамда анықталады екен.
АИТВ-мен ауыратын әйелдерде жатыр мойны обырының даму ықтималдығы АИТВ-мен ауырмайтын әйелдерге қарағанда 6 есе жоғары.
HPV-ге қарсы профилактикалық вакцинация аталған онкологиялық аурулардың алдын алады. Сонымен қатар, жатыр мойны обырының алдын алудың тиімді әдісі-HPV скринингі және қатерлі ісікке дейінгі зақымдануларды емдеу.
Әдетте HPV емделусіз өздігінен шешіледі. Кейбір HPV инфекциялары аногенитальды сүйелдерді тудырады, ал басқалары қатерлі ісікке айналатын қалыптан тыс жасушалардың дамуын ынталандыруы мүмкін.
HPV тудыратын онкологиялық аурулардың алдын алу үшін вакциналарды қолдануға болады.
Вакцинада тірі вирус немесе вирустың ДНҚ-сы болмағандықтан, ол қатерлі ісік немесе басқа HPV-мен байланысты ауруларды тудыруы мүмкін емес. HPV вакцинасы HPV инфекцияларын немесе HPV туындаған ауруларды емдеу үшін емес, онкологиялық аурулардың дамуын болдырмау үшін қолданылады.
Қазіргі уақытта жатыр мойны обыры скринингтік тексеруі бар HPV тудыратын жалғыз қатерлі ісік. Мұндай скринингтік тексерулер ерте анықтау үшін қолданылады. Жатыр мойны обырын скринингтің мақсаты- қатерлі ісіктің дамуын болдырмау.
Н.Нышанов
ТО СЭБД басшысы
