Алматы әкімдігі лай көшкіні салдарынан қаза тапқан отбасының артында қалған ұлына оқу ақысын төлеп бермек

Алматы қаласының әкімі Ерболат Досаев лай көшкіні салдарынан қаза тапқандардың туыстарына көңіл айтып, марқұмдарды жерлеуді ұйымдастыруға көмек көрсетуді тапсырды.
Әкімдік таратқан ақпаратта Алматы қаласының әкімі Ерболат Досаев қайтыс болған отбасының туыстары мен жақындарына көңіл айтқаны айтылады.
«Құтқару қызметі Медеу ауданындағы қираған үйде тұрған отбасы мүшелерін іздеуді аяқтады. Қайғылы оқиға 4 адамның өмірін қиды. Мен қаза болғандардың туыстары мен жақындарының қайғысына ортақпын. Оларға шын жүректен қатты қайғырып, көңіл айтамын», – деді Досаев.