2020 жылғы 10 желтоқсанда Чех Республикасы атынан ČSOK (Chamber of Commerce, Чех Орталық Азия Сауда-өнеркәсіп палатасы) өкілдерімен, сондай-ақ чех компанияларының өкілдерімен (DSP Přerov spol. s r.o., GET s.r.o., Ferrit s.r.o., PSP Engineering a.s., «SAFICHEM Group», ZAM — SERVIS s.r.o., ŽDB DRÁTOVNA a.s.) онлайн-кездесу өтті.
Қазақстан тарапынан ҚР Индустрия және инфрақұрылымдық даму министрлігі, ҚР экология, геология және табиғи ресурстар министрлігі, ҚР Чехиядағы Елшілігі, «Kazakh Invest» Ұлттық компаниясы «АҚ,»Қазгеология» Ұлттық компаниясы » АҚ өкілдері болды.
ҚР ИИДМ өкілі жер қойнауын пайдалану департаментінің директоры Аскат Пшенбаев чех тарапына ҚР Жер қойнауы және жер қойнауын пайдалану туралы заңнаманың негізгі тұстарын таныстырып, пайдалы қазбаларды өндіруге рұқсат беруге қатысты, уранды қоспағанда, қатты пайдалы қазбаларды барлауға, өндіруге арналған келісімшарттардың талаптары туралы, уранды қоспағанда, қатты пайдалы қазбаларды барлауға және өндіруге арналған келісімшарттар жобаларының құқықтық және экономикалық сараптамасы туралы бірқатар сұрақтарға жауап берді.
Чех тарапы инвесторлар үшін қолайлы жағдайларға қызығушылық танытып, өзара тиімді ынтымақтастыққа ниет білдірді.
