Шымкент қаласы Білім басқармасының басшысы Нұргүл Шәмшиеваның бұйрығымен Дәрібаева Гүлнәр Тұрдыбайқызы басқарма басшысының орынбасары болып тағайындалды.
Гүлнәр Тұрдыбайқызы 1982 жылы Түркістан облысы, Сарыағаш ауданында дүниеге келген. 2003 жылы Халықаралық Қазақ-Араб университетін «Ағылшын тілі» мамандығы бойынша бітірген.
Еңбек жолын 2002 жылы № 50 А.Байтұрсынов атындағы мектеп-гимназияның ағылшын тілі пәні мұғалімі болып бастаған.
2006-2012 жылдары Шымкент қаласының білім бөлімі ғылыми-әдістемелік орталығының әдіскері;
2012-2017 жылы Шымкент қаласының білім бөлімі ұйымдастыру-кадрлық жұмыстары секторының бас маманы;
2017-2018 жылдары — Шымкент қаласының білім бөлімі МК жалпы орта білім беруді және тәрбие жұмысын дамыту секторының меңгерушісі;
2018-2022 жылдары — Шымкент қаласының білім басқармасы орта білім беруді және тәрбие жұмысын дамыту, қосымша білім беру бөлімінің бөлім басшысы қызметін атқарды.
