«NEXTGENLEADERS» – ЖАСТАР МЕН МҮМКІНДІКТЕРДІ БАЙЛАНЫСТЫРУ ЖОБАСЫ ӨТТІ

Бүгін оқу ордамызда Коммерцияландыру офисінің ұйымдастыруымен «NextGenLeaders» жастар мен мүмкіндіктерді байланыстыру іс-шарасы өтті.
Іс-шараның негізгі үш мақсаты – желіні құру және өзара іс-қимыл: студенттер, мұғалімдер, профессорлар, кәсіпкерлер және бизнес саласындағы сарапшылар арасындағы өзара іс-қимылды нығайту және желілерді қалыптастыруды ынталандыру.
Стартаптар мен идеяларды қолдау: студенттерге өздерінің стартаптары мен жобаларын ұсынуға, кәсіби қоғамдастықтан кері байланыс алуға және өз идеяларына қолдау табуға мүмкіндік беретін платформа ұсыну.
Білім мен тәжірибе алмасу: шабыттандыру, оқыту және күшті бизнес қауымдастығын құру үшін әртүрлі ұрпақтар мен бизнес салаларының қатысушылары арасында тәжірибе мен білім алмасуды қамтамасыз ету.
Жиын студенттер мен кәсіпкерлердің әртүрлі стартаптары, жобалары мен идеяларының көрмесінен бастау алды.
Алғашқы сөз тізгінін Бизнес-инкубатор YASSAWI, стартап жобаларды қолдау секторының үйлестірушісі Жанар Бижанова алды. Ол студенттердің инновациялық идеялары мен жобаларын қолдау, көмек беру бағытында жұмыс істейтін
Бизнес-инкубатор YASSAWI туралы кеңінен ақпарат берді. Болашақта өз кәсібімен айналысуды ниет еткен студент жастарға берілетін мүмкіндіктер жайлы баяндады.
Келесі кезекте, студенттер мен кәсіпкерлерді біріктіретін, зияткерлік өзара іс-қимылды ынталандыру мен бизнестің негізгі аспектілеріне назар аудару мақсатында «Business Blitz» викторинасы мен «Way to development» хакатоны өтті.
Ойынға қатысушы студенттерге «NextGenLeaders» жобасына демеуші болған: «Prime cinema», WOW PLOV ұлттық тағамдар кафесі, 21 керамис қыш құмыра жасау үйірмесі, т.б мекемелердің сертификаттары мен жеңілдік купондары сыйға берілді.