Шығармашылық кездесуде аудан өнерпаздары өнер көрсетіп, поэзия оқыды. Түркістан облыстық кітапханасына созақтықтар 500 дана кітап сыйлады. Бүгін «Кітап саяхаты –2023» акциясы аясында «Шежірелі өлкеден – Рухани темірқазыққа» шарасы Созақ ауданының кітап керуенімен жалғасты. Іс-шараның ашылуында Созақ ауданы әкімінің орынбасары Қалдыбек Оразов, Түркістан қалалық әйелдер алқасының төрайымы, ҚР Мәдениет қайраткері Ұлжан Мұстафаева, Түркістанның құрметті азаматтары Өтепберген Қуанышбай, Кеңес Мәрсәлі, «Фараб» кітапханасының директоры Жанат Шардарбекова сөз сөйлеп, ізгі тілегін білдірді. Созақ ауданы «Фараб» кітапханасының қорына 500 кітап және тактильді кітап сыйға тартты. Сонымен қатар ауданның арда тумалары – Нұржамал Төлеуова, Тұмартай Дінтайұлы, Сәрсенбек Сайлаубекұлы келушілерді өтіп жатқан шарамен құттықтап, оқырман легі көп болуын тіледі. Келушілерге арнайы жасақталған «Шежірелі Теріскей, Қазыналы Қаратау» тақырыбындағы кітап көрмесі таныстырылды. Екінші бөлігі «Күзгі сыр» тақырыбында рухани әдеби-сазды кешпен жалғасты. «Кейіпкерлер шеруі» айдары бойынша ақын, жазушы, аудармашы Елнұр Қайратұлының «Қасқыр ұлыған түн» шығармасынан қойылым ұсынылды. Өлеңдері оқылды. «Жігіттер» квартетінің әншісі, «Дарын» мемлекеттік жастар сыйлығының иегері Ердос Қанаев автордың сөзіне жазылған ән шырқады. Шығармашылық кездесуде аудан өнерпаздары өнер көрсетіп, поэзия оқыды. Шара соңында облыстық «Фараб» кітапханасының директоры Жанат Сәдібекқызы Созақ ауданынан келген кітапханашылар мен қаламгерлерге алғысын білдірді. ТЕГТЕРСозақкітапТүркістан облысы
Қазығұрт ауданының білім бөліміне қарасты О.Жандосов атындағы жалпы білім беретін мектеп базасында «Үздік кітапханашы -2023» аудандық байқауы өтті.
Байқау мақсаты — кітапханашылардың шығармашылық әлеуетін және кәсіби шеберлігін дамыту, кітапхананың беделін арттыру, шығармашылықпен жұмыс істейтін кітапханашыларды көтермелеу және ынталандыру.
Байқауға білім бөлімінің бас маманы Ә.Егізек, кітапханашы А.Наримова және білім беру ұйымдарының кітапханашылары мен қазылар алқасы қатысты.
Байқау 2 кезеңнен тұрады. 1 кезең — «Креативті кітапханашы» тақырыбымен мамандар өздерінің жаңашыл шығармашылығымен таныстырады.
2 тур — «Кітапхана – оқырман-ата-ана» сабақтастығы жұмысының жүргізілуі.
Байқау қорытындысы бойынша Ш.Қалдаяқов атындағы жббм кітапханашысы Р.Абдуллаева бас жүлдені иеленіп, «Үздік кітапханашы -2023» облыстық байқауына жолдама алды.
I орын — Қ.Өміралиев атындағы жббм кітапханашысы Х.Алимкулова;
II орын — Макаренко атындағы жббм кітапханашысы К.Махатова;
III орын — Т.Рысқұлов атындағы м/л кітапханашысы Л.Демеуова
Еске салсақ, Отырар аудандық білім бөліміне қарасты Жамбыл атындағы мектеп-лицей базасында «Оқуға құштар мектеп — оқуға құштар ұлт» республикалық жобасы аясында «Үздік кітапханашы -2023» тақырыбында облыстық Байқауға аудан көлеміндегі 30 мектептің кітапханашылары қатысты. Соның ішінде Шенгелді шағын жинақты жалпы білім беретін мектебінің кітапханашысы Ұлбосын Ахметова аталған байқауда жүлделі І орынмен марапатталып, облыстық байқауға жолдама алды. Басқа да үздік деп танылған кітапханашылар, арнайы білім бөлімінің алғыс хаттарымен марапатталды.
