Бәйдібек: «Ата-аналарды педагогикалық қолдау» мақсатында іс шара өтуде

Түркістан облысы, Бәйдібек ауданының білім бөлімінің «Жолғабас негізгі орта мектеп»КММ-де «Ата-аналарды педагогикалық қолдау» мақсатында атқарылатын іс-шаралар жоспарына сәйкес 9-сынып жетекшісі М.Амиртаева мектеп психологы Н.Жұмансеитовамен бірлесіп «Көркем мінез – баға жетпес байлық» тақырыбында 8-9 сынып ата-аналарының қатысуымен психологиялық тренинг өткізді.
Тренингтің мақсаты: ата-аналардың эмоционалды құзыреттілігін, өзіндік сана-сезім, өзін-өзі реттеу, эмпатия және қарым-қатынасты реттеу дағдыларын дамыту.
Міндеттері:
• Эмоционалды интеллектіні дамыту бойынша қызығушылықты қалыптастыру
• Эмоционалды интеллектінің құрылымдық компоненттері туралы түсінік беру (өзіндік сана-сезім, эмпатия, өзін-өзіреттеу, қарым-қатынасты реттеу)
• Өз эмоцияларын және басқа адамдардың эмоцияларын түсіну қабілетін дамыту
• Өз эмоционалдық жай-күйлерді реттеу, олардың сыртқы көріністерін бақылау, позитивті қарым-қатынас дағдыларын дамыту
Ұлттық құндылықтар мен жеке қасиеттер: Ашықтық, өмірге оң көзқарас.
Тренинг барысында ата-аналарға жоғары эмоционалды интеллект туралы, әртүрлі халықтарда эмоциялардың көрініс табуының ұлттық ерекшеліктері туралы мағлұматтар берілді. Ата-аналар «Қорқыныш», «Ашу», «Қуаныш», «Қайғы» атты эмоциялар атаулары бойынша топтарға бірігіп жұмыс жасады. Бұл жаттығулар сөздік қорын белсендіруге, эмоцияларды вербализациялау бейсаналық процестерді сана деңгейіне көтеруге мүмкіндік береді.
Түрлі жағдаяттар беріліп, сол жағдаяттарға байланысты ата-аналардың ой –пікірі тыңдалды. Өзіндік сана-сезім, әлеуметтік сезімталдық, өзін-өзі басқару, қарым-қатынасты басқару деген сияқты эмоционалдық компоненттермен таныстырды. Әлеуметтік желіден арнайы қысқа метражды фильм көрсетіп, фильм бойынша «Сезімдер күнделігін» толтыруды ұсынды. Тренинг соңында ата-аналардан «Сезім бұлты» әдісімен кері байланыс алынды.
Нәтижесінде: сабақ аяқталғаннан кейін ата-ана: Эмоционалды сауаттылыққа ие болды.
Эмоционалды интеллект құралдарын қолдануды үйренді. «Мен-мәлімдемелерін» қолдана отырып, оң қарым-қатынас орната алды. Дағдарыс жағдайында өнімді мінез-құлық алгоритмдері мен тәсілдерін қолдана алды.