Ауданда Түркістан облыстық қоғамдық даму басқармасы «Қоғамдық келісім» КММ-нің өңір тұрғындары арасындағы кездесулері мен фокус-топтық зерттеу жұмыстары аясында жиын өтті.
Алдымен Талапты, Қоғам ауыл округтерінің тұрғындармен кездескен жұмысшы топ «Тарихты оқып үйрену бірлік пен ынтымақты нығайтуға қызмет етуі керек», «Ішкі тұрақтылық және бірлікті сақтау мәселесінде діни конфессияларда не айтылады?» тақырыптары бойынша жиын өткізіп, кездесу аясында «Қоғамдағы этносаяси ахуал бойынша тұрғындардың көңіл күйі» тақырыбында фокус-топтық зерттеу жұмыстары ұйымдастырылды.
Этносаралық келісім мен тұрақты дамуға үндеген шараға облыстық қоғамдық даму басқармасы «Қоғамдық келісім» КММ-нің этносаралық қатынастар саласы мониторингі және ақпараттық-насихаттық жұмыстарды ұйымдастыру бөлімінің басшысы Хамит Исақов, аудандық ішкі саясат бөлімінің бас маманы Шохан Бейсенбиев, ауыл округтері әкімдіктерінің мамандары мен ауыл имамдары қатысып, тақырып аясында жан-жақты мағлұматтар берді.
Басқосу барысында жоғарыда аталған тақырыптар төңірегінде ой қозғалып, ұсыныс-пікірлер тыңдалды. Сондай-ақ жиналған жұртшылық өздерін толғандырған сұрақтарын қойып, жауаптар алды.
Түркістан облыстық қоғамдық даму басқармасы «Қоғамдық келісім» КММ-нің өңір тұрғындары арасындағы кездесулері мен фокус-топтық зерттеу жұмыстары Қазығұрт ауданында жалғасты.
«Түркістан облысының этносаралық қатынастарды дамыту жөніндегі 2023 жылға арналған ведомствоаралық жоспарына» сәйкес, облыстың этникалық топтар тығыз шоғырланған елді мекендерінде ақпараттық-түсіндіру және әлеуметтік зерттеу жұмыстарын іске асыру мақсатында қараша айының 6-28 күндері аудан, қалаларда кездесулер өткізу жоспарланған.
Кездесулер «Тарихты оқып үйрену бірлік пен ынтымақты нығайтуға қызмет етуі керек», «Ішкі тұрақтылық және бірлікті сақтау мәселесінде діни конфессияларда не айтылады?» тақырыптарында және «Қоғамдағы этносаяси ахуал бойынша тұрғындардың көңіл күйі» атты фокус-топтық зерттеу жұмыстарын қамтиды.
Осы орайда, бүгін жоспарға сәйкес, Қазығұрт ауданында кездесу өтті. Шараға облыстық қоғамдық даму басқармасы «Қоғамдық келісім» КММ-нің этносаралық қатынастар саласы мониторингі және ақпараттық-насихаттық жұмыстарды ұйымдастыру бөлімінің басшысы Хамит Исақов, Қазығұрт ауданның бас имамы Сертай Әділхан, тағы басқа белсенді азаматтар қатысты.
Басқосу барысында жоғарыда аталған тақырыптар төңірегінде ой қозғалып, ұсыныс-пікірлер тыңдалды. Сондай-ақ жиналған жұртшылық өздерін толғандырған сұрақтарын қойып, жауаптар алды.
