Арыс қаласының білім бөліміне қарасты» М.Шаханов атындағы жалпы білім беретін мектеп» коммуналдық мемлекеттік мекемесінде пән бойынша басымдықтар және жетілдіру стратегиялары, білім беру ұйымдарындағы тәлімгер қызметінің ұйымдастырушылық — әдістемелік аспектілерін интерактивті тақтада бейне роликтер арқылы және курс оқып келген ұстаздар өзара бір — бірімен тәжірибелерін алмасып көрсетті.
Жиынның мақсаты: пән мұғалімдерінің пәндік білім саласындағы инклюзивті орта қалыптастырудағы және оқушылардың оқу жетістіктерін бағалаудағы кәсіби құзыреттілігін арттыру.
Тәжірибе алмасудан кейінгі күтілетін нәтиже: біріншіден мұғалімдер пән бойынша білімдерін жүйелеп, тереңдетеді, пән бөлімдері бойынша күрделілігі әр түрлі жұмыстарды жасау дағдыларын жетілдіреді.Сондай-ақ ерекше білім беру қажеттіліктері бар балаларды оқытудағы қиындықтарды ескере отырып, оқу тапсырмаларын әзірлеуді үйрету және оқу мақсаттарына сәйкес оқушылардың сауаттылықтарын дамыту бойынша тапсырмалар әзірлеу тәжірибесін жетілдіру.
Түркістан облысы білім саласының мамандары ұдайы шет мемлекеттерде тәжірибеден өтіп, біліктіліктерін арттырып келеді. Биыл да жыл басталысымен Түркістан облысының он алты ауданы мен көне шаһардың 40 тәжірибелі педагогы арнайы бағдарлама аясында Түркия Республикасына іс-сапарға жіберілген еді.Бұл жобаның мақсаты – бауырлас әрі қандас өзара тату екі ел – Тәуелсіз Қазақстан мен Түркия Республикасы арасындағы білім және ғылым саласындағы байланыстарын дамыту, ортақ құндылығымыз – Қожа Ахмет Ясауи мұраларының кеңінен насихатталуына үлес қосу. Сонымен қоса, Елбасының биылғы Жолдаудағы ұстаз мәртебесін көтеру туралы тапсырмасын орындап, ұзақ жылдар еңбек еткен мұғалімнің еңбегін бағалау, сондай-ақ білімін жетілдіріп қайтуына жағдай жасау.
