“Nur Otan» партиясы Түркістан облыстық филиалы төрағасының орынбасары Қалыйма Жантөреқызы бүгін Түркістан қаласында жастармен кездесу өткізді. Кездесу барысында жастардың қоғамдағы рөлін, ықпалын, болашағын сөз еткен Қалыйма Жантөреқызы жастар әрқашан бәсекеге қабілетті болып, еңбектену керектегін сөз етті.
« Жастар – елдің болашағы. Осы ретте бүгінгі ұрпақ өмірге барынша бейім болуы керек. Оның бірінші сатысы – білімді болу. Білімді адам қашанда бәсекеге қабілетті әрі өмірдің кез-келген қиындығына төзімді болады. Сонда ғана жастардың арман-тілектері кезең-кезеңімен іске аса бастайды. Сондықтан бүгінгі жастар отансүйгіш, елшіл, ұлттын сүйетін, тәртіпті әрі тәрбиелі болуы тиіс»,- деді ол.
Әрбір жас мүмкіндікке қол жеткізуі керек! Кездесу барысында жастардың арасында орын алып жатқан негізгі мәселелермен және оның оңтайлы шешімін табу жайы да ортаға салынды. Жастар өздерінің көкейінде жүрген сұрақтарын қойып, нақты жауаптарын алды. Жиын барысында “Jas Otan” ЖҚ белсенділерінің атқарған жұмыстары да баяндалып, алда атқарылатын жұмыстар сараланды.
