ТҮРКІСТАН: «ІІІ ЫБЫРАЙ ЖАЗУЛАРЫ» БАЙҚАУЫ

Түркістан облысы білім беруді дамыту орталығының ұйымдастыруымен «ІІІ ЫБЫРАЙ ЖАЗУЛАРЫ» тақырыбындағы дәстүрлі облыстық жазба жұмыстары байқауы басталды.
Байқау мақсаты: педагогтер арасында ең алғаш қазақ даласына мектеп ашқан, орыс жазу таңбалары негізінде қазақ әліпбиін құрастырушы – Ыбырай Алтынсариннің тарихи-әдеби еңбектерін насихаттау; педагогтардың шығармашылық қабілетін арттыру, қазақ даласында «Қара шаңырақ», «Алғашқы қарлығаш», «Дала қоңырауы», «Педагогиканың таза бұлағы» атанған ұлт ұстазының еңбектерін зерттеп, терең меңгеруге қызығушылығын ояту, қазіргі өмір ағымының, техниканың қарқынды дамыған тұсында, сауатты тұлғаны қалыптастырушы педагогтардың мемлекеттік тілде оқу, жазу сауаттылығын арттыру.
Байқауға білім беру ұйымдарының қазақ тілі мен әдебиеті, орыс тілі мен әдебиеті, өзбек, тәжік тілдері мен әдебиеті, ағылшын тілі және жалпы пәндер (тарих, география, химия, биология, математика, физика, көркем еңбек) мұғалімдері қатысуда.
Сондай-ақ, 5 секция бойынша жұмыс жүргізілуде.
Байқаудың қорытындысы бойынша жүлделі орындарға ие болған жұмыстар Түркістан облысының білім беруді дамыту орталығының Бас жүлде-біреу, І (біреу), ІІ (екеу), ІІІ (үшеу) дәрежелі дипломдарымен, «Алғыр ұстаз», «Ізденімпаз ұстаз» «Үздік тілмаш» номинацияларымен марапатталатын болады.
Еске салсақ, осыған дейін Шардара аудынына қарасты А.Иманов атындағы жалпы білім беретін мектебінде аудан мұғалімдері арасында ІІІ ЫБЫРАЙ жазулары байқауы өткен еді. Ең алғаш қазақ даласына мектеп ашқан, орыс жазу таңбалары негізінде қазақ әліпбиін құрастырушы Ыбырай Алтынсаринның тарихи-әдеби еңбектерін насихаттау, педагогтардың шығармашылық қабілетін дамыту, мемлекеттік тілде оқу, жазу сауаттылығын арттыру бойынша өткізілген байқау 3 номинацияны қамтыған.
Ыбырай Алтынсарин: «Қазақтың тілі соншалықты мол. Қазақтың тілімен қандай кітап болса да жазуға болады. Қазақ тілі мұншалықты жатық әрі анық болар еді, егер де біздің қазақтар аңғарып, бөтен тіл ілгері бастырып сөйлесе», — деп соңынан еріп келе жатқан ұстаздарға үлкен үміт артты. ХХІ ғасырдың ұстаздары ана тілімізге бөтен тіл араластырмай, ілгері бастырып дамытушы екенімізді әр кез естен шығармай, Ыбырай жазуларын жаңғырта түсетін тұлға болуымыз керек.