Балалардың жазғы демалысын тиімді өткізу үшін өңірде түрлі шаралар ұйымдастырылып жатыр.
Мәселен, бүгін Түркістан қалалық саз мектебінің оқушылары жиналып, белсенді ұзақ өмір сүру және тең қоғам орталығына барды. Онда балалар ұстаздарымен бірігіп, көпшілікке концерттік бағдарлама ұсынды. Концертке 30-ға жуық оқушы қатысқан. Балалар жиналғандарға барынша өз бойларындағы өнерлерін көтеруге тырысты. Ән айтып, түрлі аспаптарда ойнады.
— Жасөспірімдер мұндай шаралар уақытымызды тиімді жоспарлауға әрі бойдағы өнерімізді әрі қарай шыңдауға көмектеседі, — дейді.
Айтуларынша, мұндай шаралар бір жағы күні-түні телефонға телмірген балаларды сергітеді.
Өнерпаздар алдағы уақытта да осындай мекемелерді аралап, концерттік шара өткізуді жоспарлап отыр.
Еске сала кетсек, Түркістан қалалық саз мектебінің 64 жылдық тарихы бар. Мұнда 300-ге жуық оқушы тәлім алады.
Айта кетсек, Түркістан облысында балаларға арналған жазғы 9 лагерь өз жұмысын бастаған.Солардың бірі — Төлеби ауданына қарасты, Екпінді ауылында орналасқан «Біркөлік шатқалы» балалар лагері. 2018 жылдан бастап жұмыс істеп келе жатқан лагерьдің 250 балаға демалыс орны қарастырылған. Қазіргі таңда онда 250 бала болса, олардың 200-і Қазығұрт ауданынан, қалғаны еліміздің әр өңірінен келген балалар. Лагерьге 16 жасқа дейінгі балалар қабылданады. «Біркөлік шатқалы» балалар лагері 9 корпустан тұрады. Жаз бойы лагерьде 7 ауысым болады. Әр ауысымда 8 топ, екі тәрбиеші бар. Балалар бос уақытта бейімділігіне қарай шахмат, футбол, волейбол ойындарына қатысып, өздерінің қабілеттерін шыңдай алады. Күнделікті екі мезгіл іс-шара өтіп отырады.Балалардың жазғы демалысын әсерлі, мәнді ұйымдастырудан бөлек, олардың қауіпсіз жағдайда демалуын қамтамасыз ету мәселесі өте өзекті. Лагерьлердегі қауіпсіздікті бірнеше органдар қамтамасыз етеді. Денсаулық сақтау министрлігі санитариялық-эпидемиологиялық бақылау қызметі орталықтардың санитарлық талаптарға сәйкестігін тексеріп, арнайы қорытынды берілген. Одан кейін төтеншеліктер өрт қауіпсіздік мәселелерін қамтамасыз етеді. Сондай-ақ, балалардың суға шомылу қауіпсіздігі қарастырылған. Ал полиция органдары болса, лагерь аумағында қоғамдық тәртіпке жауапты.
