Білім басқармасының басшысы Дінислам Болатханұлы Сайрам ауданында «Оқушылар үйі» МКҚК- ның балансындағы қала сыртындағы «Болашақ» жазғы сауықтыру лагерінде болды.
Лагерь бір мезгілде 314 баланы қабылдауға қауқарлы. Жазғы сауықтыру демалысындағы балалардың жасы шамасв 7-4 жас аралығын құрайды.
Жазғы сауықтыру лагерінің тынысымен танысуға барған Дінислам Болатханұлы тиісті мамандарға оқушылардың демалысын қызықты өткізуге, арнайы бағдарлама жасап, спорттық жарыстар, байқаулар мен кездесулер, танымдық ойындары жүргізуге, балалардың денсаулығы мен қауіпсіздігіне баса назар аударуға тапсырма берді.
Сайрам ауданындағы «Оқушылар үйі» МКҚК-ның педагогтары, штаттық кестеге сәйкес лагерде 8 ауысымда қызмет етеді. (Олар: тəрбиешілер, дəрігер, медбике, музыка сүйемелдеушісі, денешынықтыру тәрбиешісі, аспаздар және техникалық қызметкерлер).
Ағымдағы жылға аз қамтамасыз етілген отбасынан шыққан және көп балалы ата — ана балалары — 2131 бала , мүмкіндігі шектеулі — 69 бала, ата-ана қамқорлығынсыз қалған — 61 бала, мектеп интернатынан — 151 баланы, ата-аналар төлем ақысынан -100 бала, яғни барлығы 2512 баланы демалдыру жоспарланып отыр. Әр ауысымның ұзақтығы — 10 күн. 2023 жылдың жазғы маусымындағы демалыс ауысымдарының саны — 8 ауысым.
Балаларға нормативтік құжаттардың талаптарын сақтай отырып, балалар күніне 5 мезгіл тамақтандыру (үш мезгіл ыстық тамақ, 2 мезгіл түскі шәй (полдник) беріледі.
Оқушыларға әр ауысымның демалу мерзімі кесте бойынша мына төмендегідей жоспарланған.
Бастысы балалардың көңіл-күйі көтеріңкі. Лагерь қызметкерлері ұсынған күнделікті бағдарлама өз жоспарында орындалып отыр. Балалардың қауіпсіз әрі қызықты демалуын басқармадағы тәрбие және қосымша білім беру бөлімі жіті назарға алған.
