Бүгін Ащысай ауылында отбасылық «Толағай» сайысы өтті. Сайысқа жалпы 6 команда қатысты. Олар: «Қыран» командасы, «Бейсенбаевтар» отбасы,»Бірлік» командасы,»Ынтымақ» командасы, «Шаңырақ» командасы, «Сұңқар» командасы. Көңілді спорттық сайыстардан құралған «Толағай» отбасылық ойыны қызыққа толы болды. Әр отбасының ынтымағы мен бірлігін, жылулығы мен татулығын арттырып, спортқа жақындастыратын бұл ойында «Ынтымақ» командасы 3 орын, «Бірлік» командасы 2 орын, «Бейсенбаевтар» отбасы 1 орын иеленді.
Жарысқа қатысқан барлық командаларға ауыл әкімінің тиісті дәрежедегі мадақтамасымен және бағалы сыйлықтармен марапатталды. Осылайша өңірдің білім ұяларында салауатты өмір салтын қалыптастыру, ата – ана мен бала арасында спорт мәдениетін кең тарату, оқушыларды және ата — аналарды сұлу да сымбатты, денсаулығы зор болу үшін денені шынықтыру, оларға спортпен айналысудың қажет екендігін түсіндіру мақсатыда орындалып келеді. Тәлімді тәрбие отбасынан бастау алса, дені сау ұрпақ – ұлт болашағы болмақ. Әр отбасында ата — ана шаңырақтың негізгі іргетасы болып есептелінеді. Сондықтан, бала өмірінде салауатты өмір салтын қалыптастыруда әке мен ананың рөлі орасан зор.
Оқушылар сайыстың әр кезеңіне белсене қатысты. Сыныптың басқа балалары жанкүйер болып, сыныптастарына қолдау көрсетті.Түрлі іс-шаралар арасында отбасыларға арналған «Толағай» отбасылық сайысы ерекше өткенін айта кету керек. Отбасылық командалар жарыс алаңында бақтарын сынап, сайысқа белсене қатысты.
Айта кетсек, 2022-2023 оқу жылында облыста 17 жазғы сауықтыру лагерлері қызмет көрсетіп, жалпы қала сыртындағы лагерлер – 41 597 баланы, мектеп жанындағы лагерлер – 153 000 баланы қамтылып отыр. Лагерлерде әлеуметтік жағдайына байланысты 23 207 бала бюджет есебінен тегін, 15 мыңға жуық бала ата-аналар есебінен ақылы демалуда. Бір баланың жазғы сауықтыру құны – 30 252 теңге. Сонымен қатар, «Қазақстан Халқына» Қоры есебінен облыста 3 390 бала жазғы сауықтыру лагерлерімен тегін қамтылмақ. Сондай-ақ, мектеп жанындағы бір мезгілгі тамақпен қамтитын – 330 лагерь, 580 ойын-сауықтыру алаңшалары балалар үшін тегін қызмет көрсетуде.
