Түркістан облысының адами әлеуетті дамыту басқармасы Қазақстан Республикасы Оқу-ағарту министрінің «Үздік педагог» атағын беру қағидаларын бекіту туралы 2015 жылғы 16 қаңтардағы №12 бұйрығы (02.06.2023 ж. №157 бұйрығына сәйкес енгізілген өзгерістермен) негізінде 2023 жылдың тамыз айында Түркістан облысының мектепке дейінгі және жалпы орта білім беру ұйымдарының педагогтері арасында «Үздік педагог» атаған беру конкурсының 2 кезеңінің өтетінін хабарлайды.
Қағиданың 21 тармағына сәйкес Конкурстың І кезеңінің қорытындылары Конкурс аяқталғаннан кейін күнтізбелік 10 (он) күннен кешіктірілмей аудан, қала (облыстық, республикалық маңызы бар қала) аумағында таратылатын бұқаралық ақпарат құралдарында жарияланады, сондай-ақ Министрліктің ақпараттық жүйесінде орналастырылады.
«Үздік педагог» атағын беру тәртібі:
3. «Үздік педагог» атағы білім беру ұйымдарының педагогтеріне жыл сайын конкурстық негізде беріледі.
4. «Үздік педагог» атағы бір адамға он жыл ішінде бір реттен артық берілмейді.
Конкурсқа өлшемшарттарға сәйкес құжаттарды тапсыру сәтінде кемінде бес жыл үзіліссіз педагогикалық өтілі бар және білім беру ұйымдарының штаттағы педагогтері қатынаса алады.
Конкурстың І кезеңіне қатысу үшін білім беру ұйымдары электронды форматта мынадай құжаттар мен материалдарды дайындайды.
1) Осы Қағидаларға 1-қосымшаға сәйкес нысан бойынша Конкурсқа қатысуға арналған өтінім;
2) білім беру ұйымдарының басшылары растаған педагогке арналған ұсыныс;
3) жұмыс орны бойынша расталған кадрларды есепке алу жөніндегі жеке іс парағы;
4) жеке басын куәландыратын құжаттың көшірмесі;
5) білім беру ұйымының Комиссия отырысының хаттамасынан үзінді және қазақ және орыс тілдерінде ұсыныс;
6) электронды тасымалдағыштағы жазылған оқу сабақтары;
7) оқыту тіліндегі портфолио (педагогтің портфолиосының құрылымы осы Қағидаларға 2-қосымшада келтірілген);
эссе; эссе тақырыбын жыл сайын Қазақстан Республикасы Білім және ғылым министрлігі айқындайды.
9) осы Қағидаларға 3-қосымшада көрсетілген техникалық шарттарға сәйкес бейнеролик.
