ТҮРКІСТАН ОБЛЫСЫ: БІЛІМ БАСҚАРМАСЫНДА КЕҢЕЙТІЛГЕН КЕЗЕКТІ АППАРАТ ЖИЫНЫ ӨТТІ

Бүгін Түркістан облысы білім басқармасы басшысы Дінислам Болатханұлының төрағалығымен кезекті аппарат жиыны өтті. Басқосуға басқармадағы жауапты бөлім басшылары мен (аудан/қаладағы) білім бөлімдерінің басшылары ZOOM платформасы арқылы қатысты.
Күн тәртібінде: «Білім мекемелеріндегі балалар қауіпсіздігі бойынша» қаржыландыру; «Орта білім мекемелерінің күрделі және ағымдағы жөндеу жұмыстарының барысы»; «Тегін ыстық тамақ» бойынша мемлекеттік сатып алу және бұған дейін де өзектілігін жоймаған білім мекемелерінің жылыту қазандықтарының бүгінгі жай-күйі, мемлекеттік қызметкерлердің декларация тапсыру тәртібі, жазғы сауықтыру, сондай-ақ, алда өтетін «Тамыз кеңесіне» дайындық жұмыстары туралы бірқатар кезек күттірмес мәселелер қозғалды.
Жиын соңында басқарма басшысы Дінислам Болатханұлы күн тәртібінде қаралған мәселелерді тыңдап, тиісінше жауапты мамандарға тапсырмалар берді.
Еске салсақ, 2021-2022 оқу жылында ҰБТ тапсырған 1467 түлектердің 54% ЖОО-ға гранқа түскен болатын. Бұл әрине ата-аналар мен ұстаздар үшін үлкен қуаныш болған. Жазғы демалыс кезінде «Балауса» лагерінде 6 ауысымда 900 баланың демалуы ұйымдастырылған-ды. «Мектепке жол» акциясында демеушілер есебінен 1500-ге жуық бала киім-кешекпен және мектеп құралдарымен қамтамасыз етілген еді.
Сонымен қатар былтыр өткен тамыз кеңесінде оқу жылының қорытындысы бойынша кәсіби шығармашылық жетістіктерге қол жеткізген озат педагогтар мен ардагер ұстаздарды марапаттау рәсімі өткен болатын. Мерекелік кеш концерттік бағдарламамен қорытындыланған — ды.
Айта кетейік, Түркістан қаласында 34 мемлекеттік, 19 жекеменшік мектеп, 110 мектепке дейінгі және 7 қосымша білім беру ұйымдары жұмысын бастаған. 2022-2023 жаңа оқу жылында 6250 оқушы мектеп табалдырығын аттаған болатын.