Жаз мезгілі балалардың асығып күтетін айы. Оқу жылын аяқтап демалысқа шығатын тәтті кезеңді қызықты өткізу әрбір баланың арманы.
Осы ретте, Департаменттің басшы орынбасары Жанар Сатыбалдықызының басшылық етуімен, Балалар мен жасөспiрiмдердiң сауығуы, демалуы кезiнде бiлiм беру бағдарламаларын меңгеруi үшiн қажеттi жағдайлар жасауын бақылау мақсатында Төлеби ауданында орналасқан «Балдәурен» республикалық оқу-сауықтыру орталығында болды.
Бұл орталықтың негізгі мақсаты мынандай: Балалар мен жасөспiрiмдердiң сауықтырылуын, демалуын ұйымдастыруды қамтамасыз ету жөнiндегi шаралар кешенiн жүзеге асыру;
Балалар мен жасөспiрiмдердiң сауығуы, демалуы кезiнде бiлiм беру бағдарламаларын меңгеруi үшiн қажеттi жағдайлар жасау;
Балалардың халықаралық және республикалық мәдени-көпшiлiк, ғылыми-практикалық iс-шараларын өткiзу.
«Балдәурен» республикалық оқу-сауықтыру орталығы жыл бойы жұмыс істейді және бір ауысымда 260 баланы қабылдайды. Жазғы кезеңде ауысымның ұзақтығы 15 күн, оқу жылы барысында 20 күн.
Мониторинглеу барысында анықталғандай, орталықта балалардың оқуы мен өмір сүруіне жағдайлар жасалған. Барлық жатын бөлмелер мейлінше жабдықталған.
Балаларға арналған іс-шаралар, үйірмелер, интелектуалдық ойындар, ұлттық құндылықтарға негізделе отырып, өлке тану және туризмді дәріптеу шаралары қолға алынған.
Медициналық кешенде профилактикалық және сауықтыру шараларымен қамтылған, атап айтсақ, массаж, физиотерапия, су процедуралары, емдік ванналар, коктейльдер, жұмыс жасайды.
Бұл орталыққа Қазақстан Республикасы Оқу-ағарту министрлігі тарапынан бекітілген ауысымдар жоспар кестесіне сай 9 облыстың 12-15 жас аралығындағы оқушылары келеді» — деді орталық басшысы Даурен Босымбай.
