Шардара ауданы, №8 «Балапан» балабақшасында ата-аналарды балабақша өміріне араластыру, балабақша мен ата-ана арасындағы қарым-қатынасты нығайту мақсатында «Әкем, анам және мен, Біз спорттық әулеттен» атты мерекелік отбасылық спорттық сайыс өтті.
Сайысқа 4 отбасылық топ қатысып, өзара бақ сынады. Аталған іс-шараның ашылу салтанатында «AMANAT» партиясы Шардара аудандық филиалының төрағасы Ережеп Бекет, балабақша директоры Құралай Тілешова т.б. бүлдіршіндерді мерекемен құттықтап, сайысқа қатысушы командаларға сәттілік тіледі.
Осылайша өңірдің білім ұяларында салауатты өмір салтын қалыптастыру, ата – ана мен бала арасында спорт мәдениетін кең тарату, оқушыларды және ата — аналарды сұлу да сымбатты, денсаулығы зор болу үшін денені шынықтыру, оларға спортпен айналысудың қажет екендігін түсіндіру мақсатыда орындалып келеді. Тәлімді тәрбие отбасынан бастау алса, дені сау ұрпақ – ұлт болашағы болмақ. Әр отбасында ата — ана шаңырақтың негізгі іргетасы болып есептелінеді. Сондықтан, бала өмірінде салауатты өмір салтын қалыптастыруда әке мен ананың рөлі орасаң зор.
Сайысқа қатысушылар 10 кезең бойынша сынға түсіп, шеберліктерін шыңдады. Бірінші кезеңде өздерін таныстырса, одан кейінгісі: «Шашылған стакандарды жинау», «Мергендер», «Арқан тартыс», «Тау көтерген Толағай», «Секірмек», «Кім шапшаң?», «Түрлі-түсті шарлар сайысы», «Кішкентай волейболшылар», соңғы кезең «Жұлдызқұрттар сайысы» деп аталды.
Бұл сайысқа қатысқан балалар да, ата-аналар да ойынға белсене қатысып, мерекенің көрігін қыздырды. Сайыс соныңда жеңімпаздарды арнайы «Алғыс хат», Дипломдармен марапаттады. Демеушілер тарапынан бүлдіршіндерге тәтті сусындар және балмұздақтар тарту етілді.
Сайыс жоғары деңгеде қызықты әрі тартысты өтті.
