Қала басшысының елдімекендердің инфрақұрылымын дамыту және баршаға қолжетімді спортты дамыту жөніндегі тапсырмасына сәйкес, Қаратау ауданы
аумағы кезекті жаңа спорт алаңшасымен толықты.
Аудан аумағына қарасты «Тұран» шағынауданындағы Алатау батыр көшесіне «Прима Инжиниринг» ЖШС тарапынан жүргізіліп жатқан ашық спорт алаңшасының құрылысы жұмыстары аяқталып, бүгін тұрғындар игілігіне пайдалануға тапсырылды.
«Спорт – бейбітшілік елшісі» дегендей, еліміздің болашағы, ол – денсаулығы мықты, рухы күшті ұрпақ. Спорт саласының дамуына мемлекет тарапынан барынша жағдай жасалып келеді. Біздің ауданда да бұл бағытта бірқатар жұмыстар атқарылуда.Жалпы аудан аумағын абаттандыру барысында жаңа спорт және ойын алаңшалары қатары артатын болады.»-деді, аудан әкімі Р.Мүлкеманов.
Спорт алаңының ашылу салтанатына аудан басшысы-Р.Мүлкеманов, «АMANAT» партиясы Қаратау аудандық филиалы төрағасы -Ә.Иманқұлов, қалалық мәслихат депутаты — А.Молдабек және шағынауданның белсенді тұрғындары қатысты.
Ескерте кетейік, биылғы жылы Қаратау ауданында “ХАЛЫҚ ҚАТЫСАТЫН БЮДЖЕТ” жобасы аясында балалар ойын алаңшасынан бөлек заманауи үлгідегі 7 ашық спорт алаңдарын салу көзделуде.
