Мамандық таңдау мәселесі — адам өміріндегі ең күрделі және жауапты қадам. Мамандық таңдау әрбір адамның мұқиятылығын қажет етеді. Бала үшін мамандық таңдау өмірлік жолын дұрыс таңдаумен бірдей.
Қазіргі кезде ел болашағы – жастар. Жыл сайын мектеп бітіруші түлектер қай мамандықты таңдарын білмей, ойын сан – саққа жүгіртеді. Осындай жастарға болашақтағы мамандығын қателеспей, оны өзінің жүрек қалауымен таңдауға жол көрсетіп, дұрыс бағыт беру мақсатында Сайрам аудандық білім бөлімінің «Оқу-өндірістік комбинаты» КММ-де алғашқы кәсіптік білім алуға бағытталған «Ашық есік күні» өтті.
Аудан орталығындағы орта мектептердің 8-сынып оқушылары осы Оқу-өндірістік комбинатында болып, алғашқы кәсіптермен танысты.
Бүгінгі күні жасөспірімдердің өзін-өзі тану арқылы мамандық таңдауда оқушыға «Мен қалаймын?», «Менің қолымнан келеді», «Маған керек» деп, өз қабілеттіліктерін, ішкі сенімдері мен нақты мүмкіндіктерін ескеру қажет және өз ақыл ойымен, дұрыс шешім қабылдау үшін мамандар кеңес берді.
Айта кетсек, аудандағы колледждеде оқушылар үшін түрлі іс шаралар өтуде. Мәселен ашық есік күні үйымдастырылып, мамандық таңдау бйынша мамандар түрлі кеңестерімен бөліскен. «Ашық есік» күнін ұйымдастыру мақсаты —колледжге талапкерлерді оқуға шақыру. Колледж оқытушылары болашақ талапкерлерге колледж тарихымен, мамандықтармен, оқу-материалдық базасымен таныстырып, колледжге түсу тәртібін, оқу жүйесін және колледжде білім алудың тиімділігі жайлы толық ақпарат берді және колледждің 1-3 курсында оқып жүрген студенттер оқушыларға өздерінің мамандықтары, студенттік өмірді және қоғамдық өмірге белсене араласатыны жайлы айтып, оқушыларды біздің колледжге оқуға келуге кеңес берді. Оқушылар колледждегі мамандықтар бойынша толық ақпарат алып сонымен қатар колледж туралы бейнебаян көрген еді.
Әлемде өзі қаламайтын мамандық иесі болып жүрген қаншама адам бар, өз жұмысын жанымен сүйіп істейтін адамдардың да саны аз емес. Мамандық таңдаудан жаңылмай, өз өміріңіздің бір кірпішін дұрыс қалауыңызға тілектеспіз.
