1 маусым — Халықаралық балаларды қорғау күніне орай «Балалар игілігі үшін» республикалық акциясы аясында облыс оқушыларының арасында өткен «ЖАҢА ҚАЗАҚСТАН, КҮШІМІЗ БІРЛІКТЕ» өнер фестивалінде «Жаңа Қазақстан. Күшіміз бірлікте – Үздік режиссура» номинациясы бойынша Бәйдібек ауданынан С.Әбдіжаппаров, Ғ.Мұратбаев, Жамбыл, «Кеңсай», «Қайнар», Шаян көпсалалы лицей, «Алмалы», Қ.Сыпатаев, «Күлтөбе» жалпы орта мектептерінің оқушылары қатысты. Сайыста бағын сынап, Бәйдібектік оқушылар «БАС ЖҮЛДЕ» иегерлері атанды. Жеңімпаз болған ауданынымыздың өнерпаз шәкірттеріне 400 мың теңгенің сертификаты табысталды.
Іс-шараның мақсаты — толеранттылықты тәрбиелеу және әртүрлі халықтардың мәдени дәстүрлерін зерттеу арқылы балалардың, оның ішінде жетім балалар мен ата-анасының қамқорлығынсыз қалған балалардың, ерекше білім беру қажеттіліктері бар балалардың бойында рухани-адамгершілікті дамыту; ортақ тарих, қазақтардың және барлық этностардың бір-бірін және қазақтарды қолдаудың арқасында бастан кешкен бірлескен қиындықтарды еске алу негізінде көпұлтты Қазақстанның бірлігін сақтау және дамыту.
Барлық этностар мен Қазақстан халқының мәдениеті және дәстүрлеріне құрметпен қарауға тәрбиелеу, қоғамдық келісім мен ұлттық бірлікті, ұлтаралық келісімді, түрлі этностар арасындағы достықты нығайту; кешірімді болу, мейірімді болу дағдылары мен біліктерін қалыптастыру; балалардың, оның ішінде жетім балалар мен ата-анасының қамқорлығынсыз қалған балалардың, ерекше білім беру қажеттіліктері бар балалардың шығармашылықтарын дамыту мәселесіне қоғам назарын аударту; салауатты, мәдени, еркін және жауапты тұлғаны дамыту,-болып табылады.
