Сыбайлас жемқорлыққа қарсы қызмет этномәдени бірлестіктер өкілдерімен кездесті

Сыбайлас жемқорлыққа қарсы іс-қимыл Агенттігінің Шымкент қаласы бойынша департаменті мен Қаратау ауданының қызметкерлері бірлесіп аудандағы Мирас, Мәртөбе тұрғын алабтардағы этномәдени бірлестіктердің өкілдерімен кездесті.
Жиында ауданнан жиналған азаматтарға бармақ басты, көз қысты әрекеттердің жолын кесу мақсатында Агенттіктің тарапынан атқарылып жатқан ауқымды жобалардың тиімділігі түсіндірілді.
Сыбайлас жемқорлық тәуекелдерінің деңгейін төмендетуде азаматтық белсенділіктің жоғары болуы ортаға салынған кездесу соңында Агенттіктің тәулік бойы тегін қызмет көрсететін 1424 сall орталығына қоңырау шалу қажеттілігі түсіндіріліп, жиынға қатысушылардың тарапынан қойылған бірқатар сауалдарға нақты жауаптар берілді.