Бүгін мерекеге орай аудан аумағында орналасқан “Сайрам” тұрғын алабындағы #1 өмірлік қиын жағдайға тап болған балаларды қорғау орталығында “БАЛАЛАР-БАҚЫТ, БАЙЛЫҒЫМЫЗ!”атты мерекелік іс-шара өткізілді.
Іс-шара барысында тәрбиеленуші жастар құттықтап келген қонақтарға мерекелік арнайы бағдарламаларын ұсынды.
Сондай-ақ, биыл мектеп қабырғасын бітіріп жатқан 8 түлек өз тәрбиешілеріне алғыстарын жеткізді.
Іс-шараға Қаратау ауданы прокуроры Д.Айтишев, аудан әкімі Р.Мүлкеманов, аудандық мемлекеттік кірістер басқармасы басшысы Е.Сейітжан, аудандық төтенше жағдайлар басқармасы басшысы — Е.Тасқараев, аудандық полиция басқармасы басшысы — Д.Плалов қатысып, балаларды мерекемен құттықтап өз лебіздерін жеткізді.
Сонымен бірге, қонақтар балаларға арнайы әкелген мерекелік сыйларын ұсынды.
Еске сала кетейік, бүгінде аталған орталықта 79-ға жуық балалар тәрбиеленуде.
