Тың жаңалық тасада қалмау керек! Сарыағаш ауданы №52 М.Өтемісұлы атындағы ЖОББМ 7-сынып оқушысы Елікбай Байбек Жомартұлы жүк тиегіш трактор құрыстырып шығарды. Тракторының атын «Синий трактор» деп атаған. Жобаны жүзеге асырып, синий-тракторды құрастырған оқушының бұл техникасы аудандық көрмеде ерекше көзге түсіп, көпшіліктің қызығушылығын арттырды.
Ғаламтордан қарап отырып, жүк көлігін құрастыра бастаған. Әкесі техника ұстасы болғандықтан, үйінде жарамсыз болып қалған материалдарды пайдаланған. Алдымен моторды, содан сон темір плиталарды, балалар коляскасының доңғалақтарын жинақтап, пайдаланған. Барлық бөлшектерді металл базасынан жинақтап, кейбірін қолдан дәнекерлеп жасаған.
Синий трактордың ерекшелiгi ток арқылы өздігінен қозғалады. Бұл трактор жеңіл әрі қарапайым тәсілмен жасалған. Байбек алдағы уақытта үлкен техникалар құрастырып шығаруды мақсат етіп отыр.
Еске салсақ, өткен жылы Қазақстан Республикасы Оқу ағарту министрлігі мен Қарағанды облысы білім басқармасының ұйымдастыруымен «Roboland 2022» VIІ Халықаралық робототехника, бағдарламалау және инновациялық технологиялар фестивалі Қарағанды қаласы, «Жастар» спорт кешенінде, «Шахтер» стадионында өткізілген еді.
Robоland — бұл жаңа кездесулер мен тәжірибелер, қызықты жарыстар және ынталы көрермендер.
Іс- шараның мақсаты оқушылардың шығармашылық белсенділігін дамыту, техникалық пәндерді дәріптеу, білім беру робототехникасының мүмкіндіктерін көрсету. Халықаралық фестивалге Қазақстан, Ресей, Греция, Өзбекстанның, Қырғызстан және т.б мемлекеттерден 800-ге жуық қатысушы қатысқан еді.
Аталған іс-шараға Түркістан облысы адами әлеуетті дамыту басқармасының «Төлеби ауданының мамандандырылған мектеп-интернатының 11-сынып оқушылары Рахматтула Ақжол, Балғабай Бағжан «Roboland Kazakhstan» категориясынан жүлделі ІІ орынды, Кенжебек Сұлтан, Аманхан Алихан «Ралли» категориясынан жүлделі ІІІ орынға ие болған.
