Кентау қаласы адами әлеуетті дамыту бөлімінің ұйымдастыруымен 2023 жыл 19 мамыр күні Кентау қаласы «Ш. Қалдаяқов атындағы Мәдениет сарайында» «Жас ғалым» магистрлардың форумы өтеді
Форумның мақсаты ҚР «Білімді ұлт-сапалы білім» Ұлттық жобасы аясында «Жас ғалым» жобасын іске асыру және ғылыммен айналысатын мұғалім моделін қалыптастыру болып табылады. Сонымен қатар, мұғалімдердің ғылыми әлеуетін дамыту. Айта кетсек, форумды -Кентау қалалық адами әлеуетті дамыту бөлімі ұйымдастырып отыр. Форумға жалпы білім беретін мектептердегі магистрлар қатысады деп күтілуде.Жоспарға сәйкес, форумға қатысушы магистрлар 5 топқа бірігіп, командалық жұмыс жасайды. Әр топтың құрамында 1 топ басшысы және 9 магистр мұғалімдер болуы тиіс. Сондай-ақ, ереже бойынша әр топтың команда атауы, киім түсі болуы шарт.
1- команда №1,2,Ө.Жәнібеков,4,5 мектептері- алқызыл түс
2- команда №№6,7,8,9,Д.Қонаев атындағы мектептер – сары түс,
3-команда-№12,14,15,16,17- жасыл түс,
4-команда-№№19,22,23,24,-көк түс,
5- команда- Қарнақ,Қашғари, Ахын тума, Шаш төбе мектептері- қоңыр түсті таңдаған.
Әр топ өздерінің ұрандарын алдын -ала 2023 жылдың 10 мамыр күніне дейін әдістемелік кабинетке жолдауы тиіс. Үздік деп танылған ұран Форумда орындалады.
Айта өтсек, форум 3 кезеңнен тұрады:
І кезең- «Талаптанып ғылымға кең тыныста!»- магистрлардың ғылыми жұмыстарын қорғауы ( ғылыми жұмыстар ғылыми жобалар, ғылыми әдістемелік құралдар) (Қорғау регламенті 5-7 минут)
ІІ кезең «Талаптың мініп тұлпарын, білімге ұмтыл ұрпағым !» Еркін тақырып ( Білім,ғылымды дамытуға бағытталған жұмыстары- роликтер, анимациялық фильмдер,көрініс,сахналық қойылымдар ) (Қорғау регламенті 5-7 минут)
ІІІ кезең «Өнерге әркімнің ақ бар таласы !» әр команданың өнері.
(Ән,би,күй,мәнерлеп оқу,сахналық қойылым ) (Қорғау регламенті 5-7 минут)
Үздік деп танылған командаға бөлімнің І,ІІ,ІІІ дәрежелі дипломдар мен номинациялар беріледі.
Сарапшылар құрамына : Ә.Ауелбеков- бөлім басшысы, сарапшылар төрағасы; А.Мақұлбекова- әдістемелік кабинет меңгерушісі, сарапшылар мүшесі; Білім беруді дамыту орталығының маманы; сарапшылар мүшесі; А.Ясауи атындағы ХҚТУ нің маманы; сарапшылар мүшесі; Қ.Кенжеқұлұлы- №3 Кентау Білім- инновация лицейінің директоры, сарапшылар мүшесі; К.Айтбаева- Кентау қалалық ішкі саясат бөлімінің аударма жөнінде редактор- инспекторы, сарапшылар мүшесі; Кентау көпсалалы колледжінің маманы, сарапшылар мүшесі кіріп отыр. Форумның қорытындысы бойынша магистрлардың үздік жұмыстарынан ғылыми –әдістемелік жинақ шығарылады.
