Түркістан облысының Арыс, Бәйдібек, Жетісай, Кентау, Келес, Қазығұрт, Мақтаарал, Ордабасы, Отырар аудандарының а.ж. 26-28 сәуір аралығында білім алушылардың білім жетістіктерінің мониторингі (ББЖМ) шеңберінде 101 (96 мемлекеттік, 5 жекеменшік) мектебінің 3581 (1905 – 4 сынып, 1676 – 9 сынып) оқушысы өз білім сапасын мемлекеттік жалпыға міндетті стандартына сәйкестігін анықтау мақсатында сыңға түсті.
ББЖМ 4-сыныптарда кешенді тестілеу нысанында ақпараттық-коммуникациялық технологияларды (АКТ) қолдана отырып, оқыту тілінде үш бағыт (оқу сауаттылығы, математикалық сауаттылық, жаратылыстану-ғылыми сауаттылық) бойынша жүргізілді.
ББЖМ 9-сыныптарда кешенді тестілеу нысанында АКТ қолдана отырып, оқыту тілінде екі бағыт (математикалық сауаттылық, жаратылыстану-ғылыми сауаттылық) бойынша, үш тілде (орыс, қазақ және ағылшын) бір бағыт (оқу сауаттылығы) бойынша жүргізілді.
ББЖМ жүргізілгеннен кейін білім беру қызметтеріне қанағаттану деңгейін анықтау үшін мектептің тестіленушілері мен педагогтері арасында жасырын сауалнама жүргізілді.
ББЖМ нәтижелері бойынша уәкілетті органмен мектептерге ББЖМ нәтижелерінің кешенді талдауын, Ы. Алтынсарин атындағы Ұлттық білім академиясы дайындаған әдістемелік ұсынымдарды жолданады (ҚР БжҒМ 05.05.2021 ж. №204 бұйрығы).
Айта кетейік, ️2-11 мамыр аралығында ББЖМ рәсіміне қатысатын 109 (91 мемлекеттік, 18 жекеменшік) мектептің 4, 9 сыныптардың 4654 оқушыларына өз білім сапасын мемлекеттік жалпыға міндетті стандартына сәйкестігін дәлелдеп шығады деген үміт бар.
Айта кетсек, ББЖМ компьютерлік тестілеу түрінде өткізіледі және 4,9-сынып оқушыларының математикалық, жаратылыстану-ғылыми сауаттылығы мен оқу сауаттылығын анықтайды. ББЖМ, жекелеген санаттарды қоспағанда, барлық білім алушылар үшін міндетті рәсім болып табылады.
