Түлкібас ауданы білім бөліміне қарасты Б.Момышұлы атындағы жалпы орта мектебінде, мектеп директорының жобасы аясында аудандық «Талапты ұстаз, талантты шәкірт» атты 9 сынып оқушылары арасында байқау өткізілді.
Жобаның басты мақсаты оқушылардың пәндік білімдерін жетілдіру, математикалық сауаттылығын анықтау, туған жерінің тарихын зерттеп меңгерту, шығармашылық құзыреттілігін қалыптастыру болып табылады. Сондай-ақ аудандағы басқа мектептермен тығыз қарым-қатынас орнату.
«Талапты ұстаз, талантты шәкірт» жобасы бойынша пәнаралық байқауға 35 мектептен жалпы- 35 үздік оқушы қатысып, сайыста үздікті анықтады.
Байқау шарты бойынша, дода 2 кезеңнен тұрды. Біріншісі диктант жазу (оқу сауаттылығы – қазақ тілі), сонымен қатар математикалық сауаттылық бойынша бақылау жұмысын жазды.
Ал екінші кезеңде тест жұмысынан сүрінбей өтуі қажет еді. (негізгі пәндер бойынша – Қазақстан тарихы, география, биология, химия, физика, информатика, туған жердің тарихы, табиғаты туралы).
Сайыс жоғары деңгейде ұйымдастырылып, тартысты өтті. Сонымен қатар, келген жетекші мұғалімдермен әдістемелік көмек көрсету мақсатында дебат, ғылыми жоба, авторлық бағдарлама, «Lesson study» сабақты зерттеу бағытында жұмыстар жүргізілді.
Сайыс қорытындысы бойынша, бас жүлдені А.Пушкин атындағы ақпараттық технологиялар мектеп-лицейі;
I орынды Ғ.Мұратбаев атындағы ЖОМ, М.Ломоносов мектеп- гимназиясы, II орынды С.Сейфуллин атындағы ЖОМ, «Жиынбай» ЖОМ; ІІІ орындарды С.Бреусов атындағы ЖОМ, А.Гайдар атындағы ЖОМ иеленді.
Мектеп әкімшілігі жеңімпаздарды мақтау қағазымен және арнайы жасалынған кубоктармен марапаттады. Алдағы уақытта бұл жоба мектеп директорының авторлық жобасы ретінде жаңа оқу жылының тамыз кеңесінде қаралып, аудандық деңгейде өткізуді ұсынады.
