Түркістан облыстық адами әлеуетті дамыту басқармасы «Түркістан облысы білім беруді дамыту орталығы» мен Павлодар облысы білім беру басқармасы «Білім беруді дамыту орталығының ортақ ұйымдар арасында түсіністік және ынтымақтастық туралы меморандумы аясында «Қызылата» жалпы орта мектебінде облыстық мектеп директорлары мен аудандардың мектеп басшыларына арналған «Табысты тұлға қалыптастыруда оқу мен оқытуда жаңа әдіс-тәсілдеріді қолдану арқылы оқушылардың білім сапасын көтеру» атты тәжірибелік семинар өтті.
Семинарға «Облыстық білім берді дамыту орталығының» басшысы Б.Төлімбет мырза және Павлодар облысы Қармақшы ауданы Абай Құнанбаев атындағы жалпы орта мектебінің директоры және бір топ мұғалімдері, Қармақшы аудандық білім бөлімінен өкілдері келді.
ХХІ ғасыр – білім-ғылымның, ақпараттың дамыған ғасыры. Жаңа технологияны меңгеру мұғалімнің өзін-өзі дамытып, оқу-тәрбие үрдісін жаңаша құруды көздейді. «Дәстүрдің озығы бар; тозығы бар» демекші, оқу-тәрбие жұмысын жақсартуды ойласақ, мектепте атқарылар әрбір игі істерді осы заманға икемдеп, жаңғырта, жандандыра түсеміз.
Оқу-тәрбие үрдісін ұйымдастыру арқылы тұлғаның біліктілігін, шыдамдылығын қалыптастыра отырып, оқушының алдағы өмірінде, қоғамда табысты болуына көмектесетін қасиеттерін дамытып, қалыптастыру, әлеуметтендіру болып табылады. Мұғалімнің оқушылармен өзара қарым-қатынасына қанағаттануы оқушының көтеріңкі көңіл-күйде болуына, шығармашылық белсенділігінің артуына, танымдық әрекетінің өнімділігіне мүмкіндік туғызады. Қазіргі оқу үрдісінің тұлғалық қарым-қатынас деңгейіне ауысуы оның мұғалім мен оқушының серіктестігіне айналғанының белгісін білдіреді.
Нәтижесінде, Б.Төлімбет мырзаның өзі сабақ өткен ұстаздарды «Білім беруді дамыту орталығының» марапаттарына ұсынды.
Осы орайда, аталған аудан атын республикаға танытып жатқан «Қызылата» жалпы орта мектебінің директоры Е.Жұмабаев мырзаға және мектеп ұжымына алғысын білдірді.
