Сарыағаш ауданының білім бөліміне қарасты №49 Мағжан Жұмабаев атындағы ЖОББМ 7-11 сынып оқушыларына арналған «Мағжан оқулары» республикалық олимпиадасының аудандық кезеңі өткізілді. Мағжан – философ ақын. Ақынның философиялық көзқарасы өз өлеңдерінде жақсылық пен жамандық, әділдік пен әділетсіздік тәрізді қарама-қайшылықты философиялық ұғымдарды шебер шендестіре білуінен байқалады. Ол дүниені біртұтас құбылыс ретінде алып, адамды сол ұлы табиғат, жаратылыстың бір туындысы, бөлшегі ретінде суреттейді. Қазақ лирикасында үлкен көркемдік жаңалық ашып, соны әсемдік арналарды негіздеп, әсіресе Еуропа, орыс әдебиетіндегі ізденістерді, бағыттарды ұлттық топыраққа батыл да еркін ендірген Мағжан эпикалық жанрда поэманың ықшам формаларын қалыптастырды.
БАйқаудың басты мақсаты — мектеп оқушылары арасында Мағжан Жұмабаев өмірі мен шығармашылығын тануға деген қызығушылықтарын арттыру, ақынның рухани мұрасын, ақын өмірі жайлы мәліметтерді игеруді насихаттау болып табылады. Додаға Сарыағаш ауданындағы жалпы білім беру ұйымдарынан 42 мектептің оқушылары қатысты. Айта кетейік, «Мағжан оқулары» сайысы 3 бағыт бойынша өткен. Олар:
«Өлең- менің Шолпаным, Айым, Күнім» мәнерлеп оқу бағыты;
«Жасынан оқу оқып, өнер қуған…» ғылыми жоба бағыты;
«Ақын да бір бала ғой айта ұстылған» ақындық бағыты.
Нәтижесінде оқушылар «Мағжан оқулары» республикалық олимпиадасының аудандық кезеңінде топ жарып, облыстық кезеңге жолдама алды. Олардың қатарында: «Өлең- менің Шолпаным, Айым, Күнім» мәнерлеп оқу бағыты бойынша №28 Абылайхан атындағы ЖОББМ 10-сынып оқушысы Бұхарбай Гүлбақыт Аширбекқызы. АЛ жетекшісі: Бөрібекова Маржан Тұңғышбекқызы.
«Жасынан оқу оқып, өнер қуған…» ғылыми жоба бағыты бойынша №66 Толыбай батыр атындағы ЖОББМ 8-сынып оқушысы Садық Айда Даниярқызы. Ал жетекшісі: Нарынова Алия Налыханқызы.
«Ақын да бір бала ғой айта ұстылған» ақындық бағыты бойынша №31 Т.Бигелдинов атындағы ЖОББМ 9-сынып оқушысы Алдебек Дәурен Молдағалиұлы, жетекшісі: Саутова Перизат Бердибекқызы.
Облыстық кезеңге жолдама алған оқушыларыға редакция ұжымыда сәттілік тілейді.
