Жыл сайын дүниежүзілік кітап және авторлық құқық қорғау күніне орай балалар кітапханасы түрлі мәдени шаралар ұйымдастыруды дәстүрге айналдырған. Биылғы кітап мерекесі аудандық орталық кітапхана мен балалар кітапханасының ұйымдастыруымен «Даналықтың бәрі кітапта» атты ашық есік күнімен басталды. Кітапхана қызметкері балалардың кітапқа деген қызығушылығын арттыру мақсатында кітаптар әлеміне шолу жасап, балалар әдебиетімен таныстырды.
Кітапхана – кітап беретін орын ғана емес, мәдениет ошағы. Оқырманның талап-тілегіне, олардың өскелең интелектуалды сұранысына сәйкес сапалы ақпаратпен қамтамасыз ету, жұмыстардың тиімді әдісі мен түрлерін енгізу, жас кітапханашылардың шеберлігі мен білімін көтеру мақсатында семинар, дөңгелек үстел мен түрлі байқау дәстүрлі түрде ұйымдастырылып тұрады.
Шараға оқырмандар өте белсенді қатысты. Кітаптың шығу тарихы жайлы және оның маңыздылы туралы бейнеролик көрсетіліп, оқырмандар сұраққа жауап беру арқылы кітаптың қыр-сырын танып біліп, кітапты қалай күтіп ұстау керектігін түсінді. Шара өте әсерлі өтті. Шара соңында белсене қатысқан оқырмандар алғыс хаттармен марапатталды.
Еске салсақ, ел тәуелсіздігінің 30 жылдығына сәйкес Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты мақаласынан «Ұлағат пен ұстаным, «Қоғам мен құндылық», «Бағдар мен белес» атты тақырыбында дөңгелек стол және «Тәуелсіздіктің 30 жылдығына – 30 кітап», «Тәуелсіздік – ұлы мұрат, қастерлі ұғым», «Ұлы дала – ұлттық тарих» атты кітап көрмесі, «Елімнің бақытын тербеткен–Тәуелсіздік» атты тарихи кеш, «Тіл игеру үшін балалар әдебиетінің ролі» атты жас оқырмандармен дөңгелек стол, «Тәуелсіздік таным» атты көркем сөз оқу шеруі және семинар өткізілді.
