Екінші дүниежүзілік соғысқа қатысқан Ерғаш Претовтың сүйегі 80 жылдан соң Түркістан облысы, Сайрам ауданы, Қарамұрт ауылында қайта жерленді.
Іздеушілердің қажырлы еңбегінің арқасында, 80 жылдан кейін Түркістан облысынан шақырылған тағы бір сарбаз үнсіздіктен отанына оралды.
Ермаш Претов 1942 жылы сәуірде майданға аттанған. Ленинград облысындағы шайқастардың бірінде қазақстандық ауыр жарақат алып, 1943 жылы 10 қаңтарда ауруханада қайтыс болды. Сарбаз Новгород облысының Мануйлов ауылында жерленген болатын.
Сайрам ауданы Ақсукент ауылының дендропаркінде қызыләскер сүйегін табыстау рәсімі өтті. Ардагерлер аллеясында құрметті қарауыл мен әскери оркестр сап түзеді.
Жауынгерді еске алу үшін Ермаш Претовтың туыстары, Сайрам ауданы әкімінің бірінші орынбасары Мадияр Оразалиев, Түркістан облысының қорғаныс істері жөніндегі департаментінің бастығы полковник Нұрмаханбет Дүйсебаев, гарнизон әскери қызметшілері, Қарулы Күштер мен жергілікті соғыс ардагерлері және жергілікті тұрғындар бас қосты.
Әскери дәстүрлерді сақтай отырып Ермаш Претов туған жері Қарамұрат ауылында қайта жерленді.
Шымкент гарнизонының баспасөз қызметі
