Енді Түркістан өңірінде білім беру ұйымдарының бірінші басшыларын тағайындаудың “Әңгімелесу” кезеңі тікелей эфирде өтеді. Бұл өз кезеңінде ашықтық пен сыбайлас жемқорлық тәуекелдерінің алдын алу үшін қолға алынған. Бұл бастаманы білім басқармасының басшысы Дінислам Болатханұлы Түркістан облысына енгізді.
Ашық форматтағы конкурстың қорытынды кезеңінде комиссия төрағасы сайланбалы түрде, яғни әр отырыста дауыс беру арқылы комиссия төрағасы тағайындалады. Бұл да тікелей эфирде жүргізіледі. Ал, комиссия мүшелері сыбайластық тәуекелдердің алдын-алу мақсатында конкурстық комиссияның құрамына ұдайы өзгерістер енгізіліп отырады. Комиссия ашық дауыс беру тәртібімен дербес шешім қабылдайды.
Конкурстың әңгімелесу кезеңі әлеуметтік желілерде тікелей көрсетілім арқылы жарияланады. Бұл жөнінде алдымен үміткерлерден келісім алынады.Және әлеуметік желіде видео өшірілмей сақталып тұрады.
Конкурстық комисия жұмысының ашықтығы мен объективтілігін қамтамасыз ету үшін ҚР 18 жасқа толған кез-келген азаматы бақылаушы бола алады. Ол үшін әңгімелесу басталғанға дейін екі сағаттан кешіктірмей қызметкерлерді басқару қызметіне (кадр қызметіне) хабардар етуі қажет.
Сондай-ақ, өзгертілген заңдылыққа сәйкес қазіргі уақытта қамқоршылық кеңес кандидатураларға өз ұсынымдарын береді. Кандидатуралар қамқоршылық кеңестің шешіміне байланыссыз облыстық деңгейге әңгімелесуге қатысу құқығына ие.
Бастысы,”Әңгімелесу” кезеңі министрліктің №57 бұйрыққа өзгеріс енгізу туралы Қазақстан Республикасы Оқу-ағарту министрінің 2022 жылғы 22 желтоқсандағы №513 бұйрығы (Бұдан әрі-Бұйрық) «Мемлекеттік білім беру ұйымдарының бірінші басшылары мен педагогтерін лауазымға тағайындау, лауазымнан босату қағидаларын бекіту туралы» негізінде конкурстық негізде жүргізіледі.
