“AMANAT” партиясы «Кедергісіз келешек» жобасы аясында үкіметтік емес ұйымдармен бірлесе отырып, мүмкіндігі шектеулі жандарға қолайлы орта қалыптастыруды мақсат еткен. Сайлауалды бағдарламада ерекше қажеттіліктері бар адамдарды қамқорлыққа алу қамтылып, олардың өмір сүру жағдайын жақсартуға ерекше көңіл бөлінген.
Бүгін “Көрме” орталығында өткен шара да ерекше қажеттіліктері бар адамдар қоғамдық ортада қолайсыздықты сезінбеуін, балаларға мерекелік көңіл күй сыйлау, оларды қолдау ойымен өткізілді.
“НАУРЫЗ МЕЙРАМЫ” атты мерекелік іс-шарасына “AMANAT” партиясы Шымкент қалалық филиалының төрағасы Бахадыр Нарымбетов арнайы барды.
Мерекелік іс-шара барысында ерекше күтімді қажет ететін балалар көрермендерге өнерін паш етті. Орталықта балалардың шығармашылық туындыларынан көрме ұсынылып, бейімделген спорт секциялары түрінен қойылым көрсетілді. Мекерекелік іс шара соңында ұйымдастырушылар балаларға сыйлықтарын үлестіріп, көңіл- күй сыйлады.
