Lesson study сабақты зерттеу, кәсіби даму, тәжірибе, сапалы білім. Дәл осы тақырып аясында Өрлеу кәсіби даму институтының Түркістан облысы және Шымкент қаласы бойынша филиалы мен қалалық білім басқармасының ұйытқы болуымен республикалық онлайн семинар өтті. Оған, Lesson study сабақты зерттеу бойынша іс –тәжірибесі бар, республикамыздың үздік тренерлері мен практик мұғалімдері қатысып, өз шеберліктерімен бөлісті.
Lesson Study – мұғалім тәжірибесі саласындағы білімді жетілдіруге бағытталған, сабақтағы іс-әрекеттегі зерттеудің ерекше үлгісі болып табылатын педагогикалық тәсіл. Бұл тәсілді ХІХ ғасырдың 70-жылдарында жапондықтар қолдана бастаған. Одан кейін, Батыс пен Америка ендірсе, біздің елдегі білім беру саласы озық тәжірибені оқу үдерісінде осыдан 10 жыл бұрын қолдануды осыдан 10 жыл бұрын қолға ала бастады.
Бірлескен онлайн республикалық семинарға еліміздің түкпір-түкпірінен 300 жуық педагог қатысты. Осы орайда, Lesson study сабақты зерттеу бойынша іс –тәжірибесі бар, республикамыздың үздік тренерлері мен практик мұғалімдері баяндама жасап, өз шеберліктерімен бөлісті.
Қашықтықтан өткізілген семинар пленарлық онлайн және тәжірибелік сабақтар болып екі бөлікке бөлінген. Осы орайда, №86 ЖОББМ-нің базасында 4 пән бойынша зерттеу сабақтары өткізілді.
Топтық жұмыс арқылы баланың ынтасын оятып, білімге деген құштарлығын арттыруды көздеген бұл тәсіл, мұғалімдердің де өзара қарым-қатынасына жан бітіріп, тәжірибе алмасуда таптырмас мүмкіндік болып отыр. Заманның жаңашылдығына қарай ұмтылған мектеп ұжымы тың тәсілдің арқасында біршама жетістікке жеткендерін айтуда. Бүгін оны іс жүзінде көрсетіп, семинар қатысушыларының оң бағасын алды.
