Қошқар ата саябағы толықтай жаңартылады. Шілденің шіліңгір ыстығында тұрғындар саялайтын сүйікті орны енді адам танымастай өзгереді. Жауаптылар қазіргі таңда демалыс аймағының жаңа жобасының әзірлеп жатқанын айтты.
Қошқар ата саябағы биыл адам танымастай күйге енбек. Ол үшін жауаптылар демалыс аймағының жаңа эскизін дайындап жатыр. Олардың айтуынша бідің көзімізге үйреншікті мына өзен арнасы кеңейіп, бұл орында шомылатын бассейн орын тебеді деп күітуде. Сондай –ақ, концерт өткізуге арналған сахна да орнатылатын көрінеді.
Демалыс орнындағы жаңашылдықты жергілікті тұрғындар қолдайды. Деседе жасыл желекке зияны келмесе деген өтініштері тағы бар. Сондай-ақ балаларға арналған ойын алаңшалары мен демалатын жайлар көп болса деген ұсыныстарын жеткізді.
«Мынандай қара ағаштар көптеп отырғызу керек. Бізде әдетте шырша ағашатарымен сәндеп тастайды. Негізінде саябақ болған соң көлеңке көп болғаны жақсы. Сонымен қатар спорт алаңшаларын көптеп орнату керек. Ол балалар үшін тиімді болады»,- деді Рината Аминова, қала тұрғыны.
Қалалық жайлы ортаны дамыту басқармасының мамандары «Қошқар ата» бұлағының бастауына күрек салмаймыз дейді. Заманауй үлгіде саябақта жаңға қажеттінің барлығы болады. Веложолақ, жаттығу алаңшасы, волейбол мен баскетбол алаңшасы, жарықтандыру, сонымен қатар тұрғындардың қауіпсіздігін күні-түні бақылайтын бейнебақылау камерасы орнатылады. Полиция пункіті де қарастылған.
Саябақтағы құрылыс жұмысы жазғы шомылу маусымымен тұспа-тұс келуі мүмкін. Аптап ыстықта саялауға келген тұрғындарға ол кезде кедергі келмейді дейді басқарма өкілі.
Айта өтейік, жауаптылар «Қошқар ата» саябағында құрылыстың нақты қашан басталатынын дөп басып айтпады. Сондай-ақ сметалық құжаттар әзір болмағандықтан қанша қаржы жұмсалатыны да әзірге белгісіз.
