Елімізде соңғы уақытта ЖРВИ және тұмаумен сырқаттанушылықтың маусымдық көтерілуі, қызылша инфекциясы бойынша эпидемиологиялық жағдайдың күрделенуіне, коронавирустың таралуына байланысты ҚР Бас мемлекеттік санитариялық дәрігерінің қаулысы шыққан болатын.
Алдағы саяси маңызды науқанның өтуіне сәйкес учаскелік аймақтарда адамдардың топтасып, дауыс берушілердің көптеп жиналатыныдығы белгілі. ҚР Парламенті Мәжілісіне және мәслихаттарға депутаттарды кезектен тыс сайлау жүргізу кезінде санитариялық-профилактикалық шараларды қамтамасыз ету туралы қаулыға сәйкес, сайлау учаскелерінің бір адамға кемінде 4 шаршы метр есебімен толымдылығын ескере отырып, сайлау процесіне қатысушылардың ағымын реттеу, учаскелерде желдеткіш/ауа баптау жүйелерінің үзіліссіз жұмыс істеуі қамтамасыз етілуі тиіс, ауа желдеткіш жүйесі болмаған жағдайда үй-жайларды тұрақты түрде желдету керек. Дауыс беру басталар алдында сайлау учаскелерінде дезинфекциялау жұмыстары жүргізілуі қажет.
Нұрбек Нышанов
Түркістан облысының СЭБД басшысы
