Бүгін «AMANAT» партиясы Шымкент қалалық филиалында кандидаттар мен сенімді өкілдер зиялы қауым өкілдері және қоғам белсенділерімен кездесті. Жиын барысында партияның сайлауалды бағдарламасы таныстырылып, басым бағыттар баяндалды.
Атап өтсек, «AMANAT» партиясының сайлауалды бағдарламасы халықтың ұсыныс-тілектері негізінде жасалып, тұрғындардың негізгі 10 сұранысын қамтыған. Олардың қатарына халықтың әлеуметтік ахуалын жақсарту, жұмыспен қамту, тұрғын үй кешендерін, денсаулық сақтау, мектеп, спорттық және мәдени-рухани нысандар салу, құқық қорғау жүйесін күшейту, жастарға қолдау көрсету, жасөспірімдерді зиянды әрекеттерден сақтау сынды салаларда атқарылатын жұмыстар кіреді.
Тиісінше, кандидаттар мен сенімді өкілдер алдағы 5 жылда атқарылатын жұмыстарды толыққанды түсіндірді, ал сайлаушылар көкейдегі сауалдарына жауап алды. Кездесуде ұсыныс-пікірлер сөз болып, мәселелердің барлығы партия назарынан тыс қалмайтыны айтылды.
Сондай-ақ, сайлауалды штаб мүшелері зиялы қауым өкілдері мен қоғам белсенділерін саяси додаға белсене қатысып, «AMANAT» партиясын қолдауға шақырды.
Шымкент қаласы мәслихаты депутаттарының
сайлауында партиялық тізімді ұсынған «AMANAT»
партиясы Сайлау қорының қаражатынан төленді
