Түркістан облысы мен Павлодар облысының екіжақты жасалған меморандум аясында Қазығұрт ауданының адами әлеуетті дамыту бөліміне қарасты «Қызылата» жалпы орта білім беру мектебі мен Павлодар облысы Шарбақты ауданы Абай Құнанбаев мектептері арасында «Үлгермеушіліктің алдын алу» атты тақырыпта «Қызылата»жалпы орта білім беру мектебінде онлайн семинар өткізілді.
Адами әлеуеттідамыту бөлімі тарапынан әдістемелік кабинет меңгерушісі А. Шерова zoom платформасы арқылы семинарға тікелей қатысып отырды. «Қызылата» жалпы орта мектебінің математика пәнінің мұғалімдері Қуатбекова Салтанат пен Әлменова Гүлзинат ашық сабақтар өтіп, соңынан екі жақ кері байланыс жасап, семинарды қорытындылады.
Үлгермеушілік сабақ барысында қалыптасады.Оның алдын алуға әбден болады.Оқушы үлгермеушілігінің себептері оқу-тәрбие жұмысын дұрыс ұйымдастырмауда, санитарлық-гигиеналық нормалардың бұзылуында. Үлгермеушіліктің негізгі мыналар;
-жекелеген мұғалімдердің сабақтарының сапасыздығы, жаңа материалды толық түсіндіре алмауы,бекіту жұмысының әлсіз жүруі, оқушы білімін есепке алудың болмауы,мұғалімнің тиісті дәрежеде талап етпеуі;
-мектепте үлгермеушіліктің алдын алу жөнінде жүйелі жұмыстың болмауы;
-тәрбие жұмысындағы олқылықтар оқушылардың тәртібінің төмендігі,өз міндеттерін саналы түрде түсінбеуі,мектеп әкімшілігі тарапынан тәртіп бұзушларға уақытылы және тиісті шара қолданбауы;
-бағалаудағы біржақтылық ;
-оқыту мен тәрбие үрдісінде сабақтастықтың болмауы;
-сабақ босату,оқушының ауырып қалуы;
Оқу- тәрбие ісі меңгерушісініңбұл істегі атқаратын міндеті қандай? Енді аз-кем соған тоқтала кетейін.Ең алдымен,меңгеруші мұғалім мен сынып жетекшісінің жұмысымен танысу керек(үлгермеу себептерін айқндау,біліміндегі олқылықтардың сипаты).Оқушылардың үлгермеушілігінің себептерін зерттеу мақсатындағы мектепте педагогикалық дөңгелек үстелдер,семинар,тренингтер өткізілуі тиіс.Олардың тақырыптары;»нашар үлгеретін және үлгермеитін оқушыларға білім беру үрдісін белсендету», «Үлгермеушілікті болдырмау және алдын алу жөніндегі ұстаздар қауымының іс-әрекеті». Бұл шараларда оқушыны зерттеудің жалпы бағдарламасы қарастырылып,пікірлер тыңдалып,үлгермеушілік себептерінің айқындалуы және жеке оқушыны оқыту мен тәрбиелеуді жетілдіру шаралары қарастырылу қажет.Бұл жұмыстар оқушы үлгермеушілігінің себептерін білуге,алдын алуға бағыт береді,көмектеседі.
