ТҮЛКІБАС: «ЕҢ ҮЗДІК КІТАП ОҚИТЫН СЫНЫП» БАЙҚАУЫ ӨТТІ

Түлкібас ауданының адами әлеуетті дамыту бөліміне қарасты А.Макаренко атындағы жалпы орта мектебінде «Оқуға құштар мектеп» жобасын іске асыру мақсатында «Ең үздік кітап оқитын сынып» байқауы өтті. Байқаудың мақсаты: оқушыларды білімділікке үйрету, кітап оқуға деген қызығушылығын арттыру, өз бетімен ізденуге баулу. Қазақтың көрнекті ақын-жазушыларының өмірі мен шығармаларын таныстыру, жас оқырмандардың әдеби кітапқа құштарлығын арттыру. «Ең үздік кітап оқитын сынып» атты білім сайысын өткізіп, қазынаның асылы, өмірдің шырағын жағар құнды мұра- кітапты қызыға оқуға бағыттау.
Байқаудың барысында «Жақсы кітап-жан азығы»(оқыған кітаптарын жарнамалау) бағыты бойынша да жұмыстар жүргізілді. Байқау 5 «ә», «б», «в», «г», «ғ» сынып оқушылары аралығында өтті. Байқауды өткізілу туралы бір ай бұрын хабарлама жасалды. Оқушылар кітаптың қысқаша мазмұнын және алған әсерін айтып, өздерінің сыныптастарына өз кітаптарын ұсынады.
Аталған іс-шараға Түлкібас ауданының адами әлеуетті дамыту бөлімінің әдістемелік кабинетінің әдіскерлері Турғынбаев Махан Жаппарұлы мен Жақыпбекова Ремида Тұрғанбекқызы және ата-аналар, мектеп директоры мен ұстаздар қатысты. Кеш барысында қонақтарымыз оқырмандарға ізгі тілектерін білдіре отырып, мектеп кітапханасының қорына сан түрлі кітаптарын сыйға тартты.
Ал байқауға қатысқан мектеп оқушылары «Білімді оқырман «, «Ең үздік кітап оқитын сынып «, «Үздік оқырман» сынды номинациямен марапатталды және әр сынып қорына неше түрлі балалар әдебиеті кітаптары сыйға тарту етілді.
Сыйға тартылған кітаптар әр сыныптың кітапхана бұрышына қойылып, сынып оқушыларының кітап оқуға деген қызығушылықтарын арттыру мақсатында күнделікті кітап оқу сайысы өз жалғасын таба бермек.